АНУ нь дэлхий дээрх хамгийн хүчирхэг армитай улс байж болох ч уламжлалт бус буюу урьд хожид тулгарч байгаагүй тийм дайсан гарч ирвэл тэд бэлэн болов уу? Тэгвэл үнэн хэрэгтээ 2011 онд АНУ-ын үндэсний аюулгүй байдлын зөвлөл хуралдаж Пентагонд тусгай чиг үүрэг өгсөн нь зомбины сүйрлийн үед ашиглах тусгай төлөвлөгөө боловсруулах явдал байлаа. Энэ бүхэн зүгээр л нэг явган яриа эсвэл хэн нэгний шог хошин ёжлол мэт санагдаж болох ч зомбиноос хамгаалах төлөвлөгөө бол гарцаагүй үнэн баримт бөгөөд үүнийг “CONPLAN 8888-11” хэмээх нууц нэршлээр нэрлэх болжээ.
Хамгийн анх 1945 онд АНУ болон Их Британы зэвсэгт хүчин Германыг бүрэн эзэлсний дараагаар баруун Германы цэргийн нууц байгууламжуудад нэгжлэг хийх үеэр зомби гэх зүйлтэй анхлан танилцсан байдаг. Германчууд алдарт Букенгемийн ордон, хүчирхэг цагаан ордон зэрэг байгууламжуудыг эзэлж дэлхийд ноёрхохын тулд олон төрлийн бактерлиогийн зэвсэг хийн туршиж байсны нэг нь үхэшгүй мөнхийн үхдэлүүдийн арми байгуулах туршилж байлаа. Уг зорилгодоо хүрэхийн тулд еврей болон слави үндэстнүүдийн амь насыг хайр найргүй золиослон туршилт хийж байсан баримтуудыг олсон юм. Энэ цаг мөчөөс хойш зомби нь шинжлэх ухааны уран зөгнөл болж улмаар нэгэн хэсэг Холливуудын гол сэдэв болсон түүхтэй.
Үнэн хэрэгтээ зомби эсэргүүцэх төлөвлөгөөний АНУ маш удаан хугацаанд бодсон бөгөөд галзуу үхрийн вирусыг мутацад оруулж түргэн хугацаанд үйлчилдэг болгож чадвал зомбины вирус жинхэнэ утгаараа бий болох боломжтойг уг салбарын маш олон эрдэмтэд хэлсэн байдаг. Гэхдээ зомби амьдрал дээр үүссэн тохиолдолд энэ нь хурц хэлбэрийн галзуу өвчин гэх ангилалд орох тул зарим кинон дээр гардаг шиг удаан зомбинууд байх ямар ч боломжгүй юм. Харин ч эсэргээрээ хүн галзуурч өөрийн бүх нөөц бололцоо, хамаг хүчийг тултал нь шавхаж асар хурдан бөгөөд хүчтэй зомбинууд болон хувирах аж. Гэвч нэг сул тал нь асар хурдан их хүчирхэг болсон шигээ гэнэт л ядарч туйлдан унах магадлалтай. Тэгэхээр үнэн хэрэгтээ зомбины сүйрэл болсон тохиолдолд хүн төрөлхтний соёл иргэншлийг тэд асар богино хугацаанд үгүй хийх магадлалтай болж таарч байгаа юм.
АНУ-ын батлан хамгаалах яам зомбины гамшгийн сургуулилтыг хамгийн анх 2009-2010 онуудад Тунис, Нигери зэрэг улсуудад амжилттай зохион байгуулж тусгай чиг үүргийн бэлтгэл офицеруудыг бэлдэж байсан баримтыг АНУ-ын ТЕГ-ын тусгай ажилтан Жулиан Асанж зарлаж байсан цаг саяхан. Энэ бүхэн гоц халдварт өвчний улмаас үүсч болох зомбины эрсдэлд хамаарна. Гэвч бүр түүхийг сөхөж үзвэл зомбины тухай хамгийн анхны баримт 17-р зууны үед Гайти улстай хамааралтай байдаг. Нутгийн бөө нар үхсэн хүмүүсийг тусгай зан үйл хийж амилуулан тэдний сүнсийг явуулж зөвхөн махан биеийг нь босгож өөрсдийн боол болгодог явдал. Тэд зомбинуудаар хүссэн бүхнээ хийлгэж газар тариаланд түлхүү ажиллуулж байсан гэх. Гэхдээ энэ бүхэн яг ч батлагдаагүй боловч энэ тухай маш олон баримт, түүхэн бичээснүүд бий.
Харин Пентагоны зомби эсэргүүцэх “CONPLANN 8888-11” төлөвлөгөө нь нийтэд зарласнаар бол үндсэн гурван хэсэгтэй бөгөөд нэгдүгээрт хамгаалалтын систем бий болгож хүн төрөлхтний төрөл зүйлийг гоц халдвараас хамгаалах, хоёрдугаарт зомбины аливаа аюулыг арилгаж цэргийн хүчээр тэднийг дарах, гуравдугаарт хууль дүрэм болон сүйрлийн дараа уналтад орсон эдийн засгийг асар богино хугацаанд сэргээх гэсэн ерөнхий гурван бүлэгтэй аж. Үүн дотроо тусгай дэд бүлгүүдэд хуваагдах бөгөөд үйл ажиллагаа бүрийг нарийн протоколын дагуу зааварчилсан юм.
Үнэн хэрэгтээ бол АНУ-ын засгийн газар буюу батлан хамгаалах яам нь зомбины аюулын тухай төлөвлөгөө боловсруулсан цор ганц байгууллага биш юм. 2010 онд The Walking Dead кино нээлтээ хийж дэлхий нийтийг байлдан дагуулсны дараа CDC буюу гоц халдварт өвчний хяналтын төв уг вирусыг байж болох хувилбар хэмээн анхааралдаа авч төрөл бүрийн тусгай урьдчилан сэргийлэх ажиллагаа явуулж аюул нүүрэлсэн үед авах тусгай протокол баталсан байдаг байна. Ямартай ч дэлхийн хүчирхэг гүрний засгийн газар зомбиг ердийн нэгэн шинжлэх ухааны уран зөгнөл бус жинхэнэ аюул гэж харж эхэлсэн нь сонирхолтой.
