Түүнийг Хэнри Николас гэх бөгөөд 1959 онд АНУ-д төрж өссөн уг эр 2018 оны 8-р сарын 14-ны өдрийн судалгаагаар 3 тэрбум долларын хөрөнгөөрөө дэлхийн хамгийн баян хүмүүсийн жагсаалтын 703-р байрт бичигдсэн юм. Тэрээр АНУ-ын хамгийн том утасгүй интернетийн төхөөрөмж үйлдвэрлэгч Броадком корпорацын үүсгэн байгуулагч, захирлын албыг хашдаг байна. Мань эр АНУ-ын 25 мужид өөрийн гэсэн эдлэн газартай бөгөөд хамгийн том эдлэн газар нь баруун эргийн Вашингтон мужид байдаг аж. Харамсалтай нь Хэнри Томпсон нь энэ оны 8-р сарын 18-ны өдөр цагдаагын байгууллагад баривчлагдан 10 жилийн хорих ялаар шийтгүүлэх шүүхийн шийдвэр сонссон байна.
Анх 2008 онд тэрээр хувийн нисэх онгоцоороо хэсэг бүлэг мэргэжлийн тулаанчидтай хамт зорчиж явах үедээ тэрээр үе үе алга болоод эргээд мансуурсан байдалтай гарч ирсээр байсан гэдэг. Тамирчид түүнийг ямар нэгэн мансууруулах зүйл хэрэглэж байгааг гадарласан боловч хэн ч тухайн үед түүнтэй энэ талаар яриагүй юм. Гэвч онгоцны ариун цэврийн өрөөнөөс их хэмжээний марихуаны үнэ ханхалж утаа дэгдсэн тул онгоцны аюулгүй байдлын систем ажиллаж гэнэт суудал тус бүрийн дээрээс агааржуулалтын баг гарч ирсэн байдаг. Энэ тухай нэрээ нууцалсан нэгэн тулаанч хожим дурсан ярьжээ.
2009 болон 2010 онуудад түүнийг хар тамхитай холбосон хэд хэдэн гомдол иргэдээс ирсний дагуу цагдаагийн байгууллага шалгаж үзэхэд зөвшөөрөгдөөгүй мужуудад марихуан татсан байсан нь тогтоогдсон байна. Тэрээр багахан хэмжээний торгуул төлөөд мултарсан ч 2010 онд түүнийг шүүх хурлаар оруулж шүүгч түүнийг уг шившигтэй үйлдлээсээ ичих ёстойг сануулж 100 мянган долларын торгуул оногдуулжээ. Гэвч түүний хар тамхи татах явдал нь ингээд зогссонгүй. Түүнийг зөвхөн марихуан татдаг байсан гэж хүмүүс боддог байсан ч 2018 онд болсон хэрэг уг эрийг чухам хэн байсныг Америкчуудын өмнө илчилсэн юм.
2018 оны 8-р сард Лас Вегас хотноо нэрээ нууцалсан нэгэн иргэн цагдаагийн газарт хар тамхитай холбоотой дуудлага өгсөн байна. Цагдаагийн байгууллага буудлын өрөө уруу хүч түрэн орж ирэхэд их хэмжээний кокаин болон героин, марихуан тус тус илэрчээ. Цагдаагийн албан хаагчид түүнийг саатуулж прокуророос гэрийг нь нэгжих зөвшөөрөл авахад Вашингтон муж дахь түүний гэрийн хонгилд нууц өрөө тасалгаануудыг илрүүлсэн бөгөөд тэндээ тэрбумтан эр асар их хэмжээний химийн гаралтай хар тамхи үйлдвэрлэдэг байсан нь баригдсан байна. Гэвч тэрээр эцсээ хүртэл хар тамхи татдаг болохоос биш худалдаалаагүй хэмээн мэдүүлжээ. Шүүх түүнд ихээхэн хэмжээний торгууль болон 10 жилийн хорих ял оноосон юм. Гэсэн хэдий ч хүмүүс түүнийг нэг их удалгүй шоронгоос гарч дөнгөнө гэдэгт итгэлтэй байгаа аж.
