АНУ-ын Пеннислвани мужаас гаралтай Виллиард Женкинс гэх эр 1944 оны 9-р сарын 20-ны өдөр баруун Европын “Ваал” голын орчимд сураггүй алга болжээ. Тухайн өдөр яг түүний алга болсон газарт дэлхийн түүхэн дахь хамгийн том агаарын шүхрийн ажиллагаа өрнөсөн байдаг. АНУ-ын агаарын нисэх хүчний инженерийн 307-р баттолион, 82-р шүхрийн дивизүүд тэнгисийн цэргийн хүчтэй хүч хавсран Голланд улсын Ваал гол уруу дайралт хийсэн юм. Харин Виллиард Женкинс бол шүхрээр буусан эдгээр эрчүүдийн нэг нь байлаа. Тэд улаан нүүрээрээ дайсантай халз тулгарсан бөгөөд доороос нь тасралтгүй гал нээх дайсныхаа дээрээс шүхрээр азандаа найдаж буух үед чухам юу мэдэрдэгийг тэднээс өөр хэн ч хэлж мэдэхгүй билээ.
Женкисийг хамгийн сүүлд харсан хүн нь түүнийг цээжиндээ буудуулсан байдалтай хэвтэж байсан хэмээн хэлсэн байдаг. Тулалдаан эд дундаа явж байсан тул түүнийг цогцсыг дайны хөлөөс холдуулах боломж байсангүй. Улмаар тулалдааны дараа танигдахын аргагүй болсон цогцоснуудыг таних ажиллагаа явагддаг бөгөөд Виллиард Женкинсийн эрэмдэглэгдсэн цогцсыг түүнийг мөн хэмээн АНУ-ын батлан хамгаалах яам тогтоосон байна. Гэвч зарим хүмүүсийг буруу таних явдал ч бас гардаг. Тэдний зарим нь санаанд оромгүй томоохон аз эсвэл асуудлыг ардаасаа дагуулдаг байна. Ийнхүү нас барсан цэргүүдийн биенээс үлдсэн хэсгүүдийг цуглуулан АНУ-уруу явуулж засгийн газар оршуулах ажиллагааг бэлддэг байна.
Гэвч АНУ-д очсон даруйдаа түүнийг Виллиард Женкинсийн цогцос биш болохыг тогтоосон байна. Армиас түүний цогцсыг байлдааны ажиллагаа болсон газруудаар хөндлөн гулд хайсан боловч олсонгүй. Ийнхүү цогцос нь олдоогүй тул цогцосгүй оршуулах ажиллагаа тухайн үедээ хийсэн байдаг. Гэвч түүний эхнэр хүүхэд, гэр бүлийнхэн нь цогцос олдоогүй тул хаа нэгтээ амьд байгаа хэмээн битүүхэндээ итгэсээр байсан биз. Тэгвэл 2018 оны 7-р сарын 15-ны өдөр “Ваал” голын орчимд газар шорооны ажил хийж байсан Голландын компани дэлхийн хоёрдугаар дайны үеийн АНУ-ын цэргийн хувцастай хүний цогцсыг газар ухаж байгаад санамсаргүй олсон байна. Тэд олсон даруйдаа АНУ-ын элчин сайдын яамд мэдэгдэж тэндээс шүүхийн шинжилгээний хүмүүс ирж шалгаж халаасан дотор нь байсан бичиг баримтаас нь түүнийг Виллиард Женкинс мөн болохыг тогтоожээ.
Батлан хамгаалах яам түүний үр хүүхдүүдийг 3 хоногийн дотор хайж олон газар дээр байсан ганц ач охин нь Лас Вегас хотын нисэх буудал дээр өөрийн өвөөгийн цогцсыг ёслол төгөлдөр хүлээж авсан байна. Оршуулгын бүх зардлыг АНУ-ын засгийн газраас гаргасан бөгөөд 74 жилийн өмнө түүнтэй хамт мөр зэрэгцэн Валл голын тулалдаанд орж амь үрэгдсэн цэргүүдийн хамтаар оршуулсан аж. Түүний охин хэлэхдээ “би өвөөгөөрөө үнэхээр бахархаж байна, тэр фашизмын аюулаас Европ тивийг чөлөөлж яваад нас барсан шүү дээ” хэмээн хэлжээ.
