1989 оны 2-р сарын 24-ны өдөр АНУ-ын Лос Анжелес хотоос Австрали улсын Сидней хотыг зорин нисэж байсан АНУ-ын иргэний агаарын тээврийн компанын 811-р онгоцны ачааны хаалга гэнэт эвдэрч асар том цоорхой үүссэн байна. Нэгэнт нөхцөл байдал ийм болсон тул тэд хамгийн ойролцоо байсан нисэх буудал буюу Хонолулуд газардахаар болжээ. Уг осол гэнэт л болсон тул тухайн үед онгоцонд хэд хэдэн хүмүүс юу ч болоогүй юм шиг алхаж явж байсан байна. Гэвч гэнэт онгоцонд осол гарсан тул хөлөг онгоцонд байсан нийт 9 хүн агаарт хүчтэй сорогдон онгоцноос унаж Атлантын далайд живсэн байдаг. Харин суудал дээрээ сууж байсан хүмүүсийн хувьд тэднийг аз ивээсэн юм.
Тус онгоцонд нийт 337 зорчигч 18 хөлгийн багийн гишүүд байсан бөгөөд амиа алдсан 9 хүний 5 нь зорчигч, 4 нь хөлгийн багийн гишүүд байв. Мөн ослын үед даралтаа тогтмол алдахын зэрэгцээ хоёр хөдөлгүүр нь эвдэрсэн тул онгоц хүндхэн байдалд орж бүхэлдээ унаж магадгүй болоод байлаа. Гэвч чадварлаг нисгэгчдийн хүчинд тэд Хонолулугийн нисэх буудалд хүрэн амжилттай газардаж чадсан юм. Харин амиа алдсан хүмүүст зориулан иргэний агаарын тээврийн компаниас тус бүрд нь 100 мянган доллар тухайн үед өгсөн байдаг. Мөн уг ослын дараа онгоцыг эргүүлэн засаж хаалгыг нь хийсэн бөгөөд 7 жилийн турш үргэлжлүүлэн ашиглаж байгаад 1997 онд ашиглалтаас бүрмөсөн халсан юм. Түүнчлэн амиа алдсан хүмүүсийг цогцосыг эрэх ажиллагаа уг ослын дараа огт явагдаагүй байдаг.
