2014 оны 7-р сард Хятадын Хубэй мужийн Шиян хотод орших голын усанд нэгэн сэжиг бүхий эр байна гэх дуудлагын дагуу хамгийн ойр явж байсан дуудлагын цагдаа очсон байна. Цагдаа гүүрэн дээрээс гол уруу харахад нэгэн эр доош харан хөвж байгаа харагджээ. Уг цагдаа сандран хувцсаа ч тайлж чадалгүй ус уруу шумбан орсон боловч ганцаараа гаргахад уг эр дэндүү хүнд байсан байна. Иймд залууг дээш нь харуулан амьсгалуулаад модны мөчиртэй холбон бэхлээд өөрөө уснаас гарч гал сөнөөх ангийг дууджээ. Хэдхэн хормын дараа гал сөнөөх ангийн залуучууд түүнтэй нэгдэн хамтдаа живэж буй эрийг уснаас гаргасан юм.
Залуу эр дөнгөж 24 настай, баруун европын улсад их сургууль төгссөн эдийн засагч мэргэжилтэй нэгэн байлаа. Тэрээр ухаан алдсан байсан тул чухам хэн түүнийг голын усанд живүүлэхийг завдсан болохыг тогтоож чадалгүй өнгөрүүлжээ. Гэвч маргааш нь уг залуу эмнэлэгт ухаан орсон бөгөөд цагдаагийн албан хаагчид хэргийг судлахаар түүнээс байцаалт автал залуу өөрийнхөө амийг хөнөөхийг завдсан болохоо хэлсэн байна. Өндөр хөгжилтэй оронд сургууль төгссөн ийм сайхан залуу чухам ямар шалтгаанаас амиа хорлох болсон нь цагдаагийн албан хаагчдыг цөм гайхшуурлсан аж.
Тэрээр Германд байхдаа нэгэн Герман бүсгүйтэй үерхдэг байсан бөгөөд харамсалтай нь залуугийн эцэг эх нь хэт хуучинсаг үзэлтэй хүмүүс учир уг бүсгүйгээс нь салгасан байна. Мөн эх оронд нь ирсэнийх нь дараа эцэг эх нь түүнд эхнэр олж өгсөн бөгөд санал болгосон хүнтэй нь суухыг шаардсан байна. Уг залуу санал болгож буй эхнэрээ хартал хэтэрхий царай муутай эмэгтэй байсан бөгөөд өөрт нь огт таалагдахгүй байв. Гэвч эцэг эх нь түүнийг суухаас өөр сонголтогүй гэсэн тул хүсээгүй хүнтэйгээ амьдрахгүйн тулд амиа хорлохоор шийдсэн юм. Хятадад амиа хорлохыг завдсан хүмүүс 1-2 жилийг хорих ял авдаг боловч уг залууг сэтгэл зүйчийн эмчилгээнд хамруулан торгуул ноогдуулаад л явуулжээ.
