Энэ хачирхалтай ч гэмээр эсвэл аймшигтай ч гэмээр йл явдал 2009 онд ОХУ-ын Мешчовск хэмээх нэгэн тосгонд болжээ. Виктор хэмээн дуудагддаг нэгэн залуу тус тосгонд байрлах гоо сайхны салон уруу гар буугаар зэвсэглэн дээрэм хийхээр халдсан байна. Тус салоны эзнийг Олга гэх бөгөөд тэрээр 28 настай тулааны урлагийн хар бүстэй нэгэн байлаа. Дээрэмчин мөнгийг авахаар гараа сунгах үед Олга бүсгүй гэнэтийн бэлэг болгон цээжинд нь хүчтэй цохин газарт ухаан алдуулан унагасан аж. Олга Викторыг олсор хүлэн амийг нь боогоод ард байрлах зоорины өрөөндөө авчирсан байна. Харин дэлгүүрт байсан ажилчиддаа хандан цагдаагийн албан хаагчид ирж байгаа бөгөөд тэдний зааварчилгааны дагуу түүнийг агуулах уруу оруулсан гэж хэлсэн байна.
Яг тухайн шөнөөс эхэлж жинхэнэ хар дарсан зүүд мэт өдрүүд эхэлжээ. Олга нь Викторын гарыг гавлан ягаан өнгийн дотуур хувцас өмсгөн хүчээр виагра уулган хоёр хоногийн турш түүнийг хүчиндэн секс боол болгосон байна. Виктор хоёр хоногийн дараа гэхэд маш их эцэж туран яг л шүүс нь шавхагдсан лимон шиг болжээ. Иймд санаа нь зовсон Олга түүнийг эмнэлэгт хүргэн өгсөн байна. Дусал хийлгүүлж тэнхэрсэн Виктор маргааш нь цагдаагийн газарт очин өөрийгөө хүчиндүүлсэн хэмээн Олгагийн эсрэг гомдол гаргажээ. Харин орон нутгийн хэвлэлүүд Викторыг энэ дэлхийн хамгийн тэнэг эр хүн хэмээн бичиж байлаа. Учир нь тэрээр гомдол гаргасныхаа төлөө өөрөө шоронд орох байв. Цагдаагийн ажилчид Олгагаас байцаалт авах үед бүсгүй юу ч болоогүй юм шиг “тиймээ, би хэд хэдэн удаа түүнийг хүчиндсэн, гэхдээ биш түүнд шинэ өмд авч өгч хоол, хүнсээр хангаж мөн явуулахдаа 1000 рубль өгсөн шүү дээ” хэмээжээ.
Түүний мэдүүлгийн маргаашнаас эхний ээлжинд Викторт эрүүгийн хэрэг үүсгэн шалгаж эхэлсэн бөгөөд дэлгүүр дээрэмдсэнийхээ төлөө гарцаагүй шоронд орохоор байв. Гэвч цагдаагийн албан хаагчид уг хэргийг хэрхэн шийдэхээ мэдэхгүй болсон бөгөөд хэрэгт холбогдсон хоёр этгээд хоёулаа бие биенийгээ хохироосон бөгөөд мөн хоёул бие биенээсээ хохирол амссан юм. Гэвч Олгад тэнэсэн харгалзах ял өгч харин Викторыг 1 жилийн хорих ялаар шийтгэсэн байна. Уг хэрэг явдлын дараа ОХУ-ын эрчүүдийн дунд Олгагийн салоныг дээрэмдэх хүсэлд автан түүний дэлгүүрийн байршлыг хайх хөдөлгөөн цахим ертөнцөд өрнөсөн байдаг.
