1. 1961 он, “Царь” цөмийн бөмбөг
Зөвлөлт Холбоот Улс, Америкийн Нэгдсэн Улс хоорондын олон жилийн хүйтэн дайны улмаас болж үүссэн хамгийн хөнөөлтэй зэвсэг юм. Уг цөмийн бөмбөг нь 7 жилийн үйл ажиллагааны үр дүн бөгөөд албан ёсны нэр нь АН602 юм. Энэхүү бүтээл нь 3 хэсгээс бүрдсэн бүтэцтэй ба 101.5 мегатонны хүчтэй юм. 3 хэсэг нь тэсрэлт 3 үе шаттай гэсэн үг юм. Эхний хэсэг 1.5 мегатонны хүчээр тэсрэхэд 2 дахь хэсгийн урвалыг эхлүүлэх юм. Ингэснээр 50 мегатонны хүчтэй 2-р хэсэг Жэнкилл Хайдын нөлөөний дагуу ижил хэмжээний хүчтэй 3-р хэсгийг өдөөж нийт 101.5 мегатонны хүчтэй тэсрэлт үүсэх юм. Уг туршилт дээр ажиллаж байсан мэргэжилтнүүд дэлхийн гадаргууд хагарал үүсэх аюулын үүднээс тэсрэлтийн хүчийг 51.5 мегатонн болтол нь багасгасан байна. Энэ нь ч зөв хэрэг болсон юм. Туршилтын үед тэсрэлтээс үүссэн чичрэлтийн долгион дэлхийг 3 удаа тойрсон бөгөөд 100 км-ийн хүрээнд байгаа юм бүхнийг шатаасан байдаг.
2. Филаделфийн туршилт
Уг туршилт нь 1943 онд явагдсан бөгөөд АНУ хариуцлагыг үүрсэн байв. Туршилтын зорилго нь хүчтэй цахилгаан соронзон орон зайн тусламжтайгаар гэрэл болон радио долгионыг зайлуулж бүхэл бүтэн хөлөг онгоцыг үл үзэгдэгч болгох байсан юм. Харамсалтай нь 2 удаагийн оролдлого хоёулаа бүтэлгүйтэж цөөнгүй хүний амь нас үрэгдсэн байна. Үйл явдлын талаар тодорхой мэдээлэл байхгүй ч харсан хүмүүсийн ярьснаар бол туршилтын явцад хөлөг онгоц үзэгдэхээ больж ор мөргүй алга болоод хэдэн арван километрийн цаана онгоцны төмөртэй наалдсан зорчигчидтой эргэн гарч ирж байжээ. Өнөө үеийн эрдэмтэд уг туршилтыг ямар аюултай байж болох байсныг хэлэлцэхдээ 1943 онд хэрэглэсэн төхөөрөмжийн хэмжээг тодотгож өгдөг байна. Тухайн үед хэрэглэж байсан төхөөрөмж илүү том байсан бол орон зай болон цаг хугацааны нүх үүсгэж болох байсан юм.
3. Аварга адрон коллайдр
2008 онд Аварга Адрон Коллайдр баригдаж эхлэх талаар албан ёсоор мэдэгдэхэд хүмүүс ихэд санаа зовсон. Учир нь 6 сая долларын энэхүү төхөөрөмж нь протоны цацрагийг 27 км-ийн урт хонгилоор хурдатгалтайгаар явуулах ба энэ нь бичил хар нүхнүүдийг үүсгэдэг байна. Энэ 7 хоногийн хамгийн их уншсан мэдээллүүдийг үзэх үү? Тэгье, мэдээ үзэх Ихэнх хүмүүс үүссэн хар нүхийг томорсоор бүхнийг залгина гэж бодож байсан ч эрдэмтэд хар нүх болгон өөрийн гэсэн тооцоологдохуйц орших хугацаатай гэж нотолж байгаа юм.
4. Кольсийн гүн суваг
Энэхүү суваг нь дэлхийн хамгийн гүн өрөмдлөгийн үр дүнд 1970-1989 оны хооронд үүссэн юм. Нийт гүн – 12,262 метр. Өрөмдлөгийн зорилго нь дэлхий доторхи халуун лавын гадаргад хүрэх байсан ба энэ нь дэлхийн хэмийн талаар маш тодорхой ойлголт өгөх ёстой байсан байна. Ингэж гүн өрөмдөх нь газар доорхи хуримтлагдсан хийг нэг дор гаргаж ирэх магадлалтай гэж таамаглаж байсан ч азаар тийм зүйл болоогүй юм. 1989 онд тус үйл ажиллагааг зогсоосон нь 2 шалтгаантай байв. 1-санхүүжилт зогссон. 2-маш гүнд өрөмдлөг хийхэд гарч ирсэн халуун лав цаашид өрөмдөх боломжгүй болгосон.
5. Зомби нохой
1940-өөд оны үед Оросын эрдэмтэд нохойны тасарсан толгойг хэдэн цагийн турш амьд байлгах туршилтыг амжилттай гүйцэлдүүлсэн байна. Хийсвэр цусан хангамжийн тусламжтайгаар тэд толгойг амьд байлгаад зогсохгүй нохой хоншоороо хүртэл долоож байсан байна. 2005 онд Америк улс нохойг амилуулах өөр нэгэн туршилт хийсэн байна. Тэд амьд нохойны бие дэх бүх цусыг юүлэн авч оронд нь сахар болон хүчилтөрөгчийн уусмал шахсан байна. Туршилтын үр дүнд амилсан ноход байсан ч ахиж сэрээгүй нь илүү олон байсан юм. Тэглээ ч амилсан ноход удаан хугацаанд сэрүүн байгаагүй нь ойлгомжтой.
