Арабын нэгдсэн Эмират улс дэлхий дээрх хамгийн анхны робот иргэнтэй улс болсноо албан ёсоор зарлаад удаагүй байгаа билээ. Тэгвэл Дубай хотын хууль сахиулах байгууллага тун удахгүй робот цагдаатай болох гэж байна. Дугуйн дээр явдаг, нэг метр 67 см өндөртэй эдгээр цагдаа томоохон худалдааны төв, жуулчдын хамгийн их зорчдог газруудад эргүүл хийх юм гэнэ.
Робот цагдаа “Робокопа”-ыг испанийн PAL Robotics фирм боловсруулж гаргасан юм байна. Эхлээд худалдааны төв, нисэх буудал, бусад байгууллагуудад жижүүрлэх үүрэгтэй хийснээ одоо цагдаагийн “ажилтан” болгон нэмэлтээр шинэчлэн хийж байгаа гэнэ .
Энэ “цагдаа” 100 кг хүнд ачаа даахын зэрэгцээ 9 хэлээр ойлгодог гэнэ. Гэхдээ цагдаа өөрөө баривчилж, сэжигтнийг мөрдөж чадахгүй. Харин иргэдэд цагдаагийн үзүүлэх үйлчилгээг ойртуулж, гэмт хэрэг зөрчлийг мэдээлж, хяналтын камерийн үүргэц гүйцэтгэх юм гэж төслийн удирдагч Халид Насер Алразоки хэлж байна.
Өөрөөр хэлбэл цээжиндээ дэлгэцтэй энэ цагдаагаас иргэд тусламж дуудах, торгууль төлөх, хууль зөрчиж байгаа тухай мэдээлэл өгөх зэрэг үйлчилгээ авч болно. Мөн энэ робот өөрийн хариуцсан орчныхоо дүрс бичлэгийг бүрэн хийнэ. Хууль сахиулагчдын үзэж байгаагаар 2030 он гэхэд Дубайн цагдаа нарын 25 хувь нь робот цагдаа болох юм байна. Мөн тус улсын батлан хамгаалах яам Францын хиймэл оюун ухааны корпорацтай бүрэн байлдааны зориулалттай робот цэрэг бүтээх асуудлаар тохиролцоо хийж байгаа гэнэ. Энэ нь тус бүс нутагт сүүлийн жилүүдэд хүчээ авч буй лалын хэт үзлээс үүдэн гарсан олон бүлгэмүүдээс эх орноо хамгаалахын тулд хийх алхам хэмэн хэлж байна.
