Жавид Икбал нь 1956 онд төрсөн бөгөөд орон нутгийн томоохон баян бизнесмен эрийн 8 дахь хүү болон хорвоод мэндэлжээ. Түүний бага нас яг л бусад хүүхдүүдийн адил тоглож хөгжилдөн энгийнээр өнгөрсөн боловч яг ямар хараал идсэн зүйл түүний сэтгэцэд нөлөөлөн аймшигт алуурчин болгосон нь нууц хэвээр байгаа юм. Бага наснаасаа элбэг хангалуун, хайр халамжаар бүтэн өссөн бөгөөд ямар ч удамшлын өвчингүй, бусад ах дүүс нь бүгд энгийн амьдралтай хүмүүс аж. Нууцлаг гаж донтой алуурчны түүх 1999 онд цагдаагийн газарт өөрийгөө 6-16 насны 100 хөвгүүний амийг хөнөөсөн хэмээн хэргээ хүлээн сайн дураараа ирснээс эхэлсэн юм.
Тэрээр орон гэргүй эсвэл гэр орноосоо дайжин зугтсан бяцхан хүүхдүүдийг өгөөш өгөн барьж авч хүүхдүүдийг мөчлөн хөнөөгөөд улмаар бүх мөчүүдийг нь хүчилд хийн уусгаж үлдсэн зүйлийг нь голын усанд урсгадаг байжээ. Түүний гэрт нэгжлэг хийх үед хананаас нь асар их хэмжээний өөр өөр дна агуулсан цуснуудыг олсон бөгөөд маш олон тооны хүүхдийн цүнхнүүд байсан нь энэ бүхнийг бататган өгч байгаа юм. Жавид Икбалын хийсэн гэмт хэрэг нь шинэ цагийн Пакистаны түүхэнд тодоос тод тэмдэглэгдэх хамгийн жигшүүртэй гэмт хэрэг байлаа.
Түүнийг 1999 оны 12-р сарын 30-ны өдөр буюу шинэ мянган солигдохын яг өмнөхөн баривчилсан байна. Гэвч баригдсан даруйдаа тэрээр маш их сэтгэл гутралд орж асар их айдаст автсан аж. Учир нь шүүхээс түүнийг хүүхдүүдийг хэрхэн алдаг байсан яг тэр аргаар нь цаазаар авах бий гэхээс үхтлээ айжээ. Харин зөгнөл биелж шүүх түүнийг мөчлөөд, бүх мөчийг нь хүчилд түлэх шийтгэл оноосон байна. Ялыг 2001 оны 10-р сарын 10-ны өдөр гүйцэтгэхээр болсон ч цаазын ялаас 2 хоногийн өмнө буюу 10-р сарын 8-ны өдөр шоронгийн өрөөндөө амиа хорлосон байдалтай түүнийг олжээ. Гэвч шүүх түүнд оноосон ялыг заавал гүйцэтгэх ёстой гэж үзсэн тул амьгүй цогцсыг нь хэдэн хэсэг тастан хүчилд түлж уусгасан байдаг. Тэрээр хүүхдүүдэд юу хийдэг байсан тэр бүхнээ өөрөө хүртсэн юм.
