1977 оны арванхоёрдугаар сарын 13-ны өдөр АНУ-ын Индиана мужийн Эвансвиллийн их сургуулийн сагсан бөмбөгийн “Purple Aces” багийнхан Теннесси мужийн сургуулийн багийн эсрэг тоглохоор онгоцоор Мурфрисборо хотыг зорьжээ. Гэтэл онгоц хөөрөөд удаагүй байхдаа жолоодлогоо алдаж ойролцоох тариан талбайд осолдсон байна. 18-22 насны хүүхдүүдээс бүрдсэн тус баг нийт 30 гишүүнтэй байсан бөгөөд тухайн үед онгоцонд 29 гишүүд нь явж байжээ. Осол болсон даруйд 25 оюутан газар дээрээ нас барсан байдаг бол гурван гишүүд нь ослын дараахан эмнэлэг орох замдаа нас барж нэг хүн эмнэлэгт хүргэгдсэн боловч эмнэлгийн орон дээр таалал төгссөн байна.
Харин онгоцонд суугаагүй ганц гишүүн нь өөрийн үеэлтэйгээ хамт үлдэх ёстой болсон тул туйлын дурамжхан байдалтайгаар хоцорсон байдаг. Гэвч түүний багийн бүх гишүүд амиа алдсан гэдгийг сонсоод тэрээр хэсэг хугацаанд ёстой шоконд оржээ. Харамсах болон баярлах мэдрэмжүүд зэрэг төрөв. Тухайн цаг үед түүний эргэн тойрны бүх хүмүүс Дэвид Фуррийг хамгийн азтай эр хэмээн ярьж байлаа. Уг аймшигт явдлаас хоёр долоо хоногийн дараа тэрээр өөрийнхөө амьд үлдсэн баяраа гадуур тэмдэглэн архи уун явж байгаад хэсэг залуучуудтай муудалцан зодоон хийж улмаар согтуу залуучуудад зодуулан амиа алдсан байна. Тэрээр өөрийгөө үхлийг хуурсан гэж бодсон боловч ердөө л хугацааг нь хойшлуулсан аж.
