Карлос Кайзер нь 1963 оны 4–р сарын 2-ны өдөр Бразил улсад төрж өссөн ч хүүхэд байхад нь гэр бүл нь Мексик уруу нүүсэн юм. Гэр бүлээ даган Мехико хотод амьдрах болсон хүү санамсаргүй байдлаар сургуулийн хөлбөмбөгийн багт элсэн оржээ. Гэхдээ тэрээр ихдээ л долоо хоногийн турш бэлтгэл хийдэг байсан бөгөөд удалгүй ямар нэгэн хүндэтгэх шалтгаан хэлээд бэлтгэлээ тасалдаг байв. Гэвч тэрээр хүндэтгэх шалтгаантай байсан тул баг хэзээ ч хөөж болохгүй байлаа. Ийнхүү дөнгөн данган тус багт 2 жил явахдаа ганц ч удаа тоглолтонд орж байгаагүй бөгөөд бүр багийн талбайн бэлтгэлд ч гарч байгаагүй гэдэг.
1981 онд эх орондоо иргэн ирхэд түүний багийн найзууд болох дэлхийн алдартай тоглогчид Карлос Алберто Торрес, Рикардо Роча, Ренато Гуачо зэрэг нөхөд нь цөм алдрын оргилд хүрсэн байв. Иймд Карлос Кайзер найзуудтайгаа уулзан танил талаа ашиглан Ботафого хэмээх Бразилын дээд лигийн багт ямар ч шалгуургүйгээр орсон юм. Гэвч түүний урьдын зуршил арилсангүй. Үргэлж өөрийн чадвартаа эргэлздэг тул өөрийг нь ямар ч чадваргүй гэдгийг нь хүмүүс мэдчих бий гэснээс сүнсээ зайлтал айж үргэлж тоглолтуудын өмнө өөрийн эмчтэйгээ хуйвалдан гэмтлийн бичиг үзүүлэн чөлөөлөгддөг байв. 1983 оны 1-р сард тэдний баг Бразилын дээд лигт орших эс оршихын төлөөх тоглолт хийхэд тэрээр мөн л өвчтэй гэх шалтгаанаар багаасаа зугтсан юм.
Иймд тэдний баг дээд лигт шалгарч чадалгүй ямар ч санхүүжүүлэлтгүй болж түүний байгуулсан гэрээ ч дуусахаас өөр аргагүй болов. Дахиад л хуучны найзууд уруугаа ярив. Түүний найзууд тухайн үед дэлхийг жинхэнэ донсолгож явсан юм. Найзууд нь түүнийг өөрт багт оруулж тэрээр бас л бэлтгэл болон тоглолтоос зайлсхийсээр 13 жилийн хугацаанд нийт 10 багийг сэлгэж ганц ч удаа талбай дээр гараагүй, ганц ч гол оруулаагүй хэмээн намтар дээр нь бичигдсэн байдаг. 1986 онд түүнийг хэдэн нөхдийнх нь хамт Францын хоёрдугаар лигийн хамтарсан бэлтгэлд урьсан аж. Яаж ч хичээгээд энэ удаа зугтаж чадаагүй мань эр Францад очин бэлтгэл хийх цаг нь эхлэв. Маш олон хүмүүс, үзэгчид тэдний хамтарсан бэлтгэлийг үзэхээр ирсэн байсан бөгөөд өөрийг нь ямар ч чадваргүй амьтан гэдгийг нь дэлхий нийтээр мэдэхээс сүнсээ зайлтал байсан тул талбай уруу гарах явцдаа чангаар орилон хөгжөөн дэмжиж байсан нэгэн Франц фанат уруу дайрч улмаар хэрэлдэн, цохилцож талбай дээр гарахаасаа өмнө талбайгаас хөөгдсөн түүхтэй. Тэрээр энэ бүх цаг хугацааг иймэрхүү аргаар аргалсаар тэтгэвэртээ гарсан юм.
