Godiva (/ɡəˈdaɪvə/, Эртний Англи хэлээр) хэмээх уг зургийн түүх бүр 13-р зууны үеэс эхтэй. Домгоор бол эртний Английн Конветри хотод эзэн суусан лорд Леофрик гэгчийн гэргий гүнгийн хатан Годива ард түмнийхээ нүд хальтрам ядуу тарчиг амьдралыг харж өр эмтэрсэндээ эр нөхөр элдэв дарамт шахалт, татвараа бууруулж, ард олны амьдрал ахуйд жаахан ч гэсэн тус нэмэр үзүүлээч хэмээн гуйсны хариуд Леофрик, түүний хүсэлтийг ганц болзолтойгоор биелүүлье гэж амласан байна. Тэр болзол нь харин нүцгэн биеэр морь унаж, бүх хот даяар давхих явдал байж.
Зальтай гүнтэн ийм арга сүвэгчлэхдээ энэ зэрэг зиндааны хүн тийм гутамшиг хүлээж авахгүй гэж дотроо бодсон байлаа. Гэвч бүсгүй өөрийнхөө хүсэл зоригоос ухарсангүй. Museum Харин товлосон өдөр хотын иргэдийг гэрээсээ толгой цухуйлгахыг хориглож, бүх хаалга цонхоо хааж түгжихыг зарлигдсан байсан тул Годива хангал хүлгийн нуруунд эрслэн морьдож хотоор давхисан байна. Гэтэл энэ хоригийг Том нэртэй нэгэн залуу л үл тоомсорлож, хачирхалтай явдлын гэрч болсон аж. Гэхдээ тэрээр Годива бүсгүйг нүд өргөн харж амжихаас нь өмнө тэнгэр ниргэж, харах мэлмийг нь сохолсон гэдэг. Энэ явдлын дараа бүсгүй гэртээ эргэн очиход нөхөр нь амласандаа хүрч ард түмэнд үүрүүлсэн хөлс татвараа хорогдуулсан аж.
Домог гэмээр уг явдал түүхэнд анх 1188 онд тэмдэглэгдэн үлдсэн байдаг бол энэ домгийн баатрууд тухайн цаг үеэс бүтэн хагас зууны өмнө амьдарч байсан гэж ярьдаг байна. Леофрик бол 1043 онд Гэгээн Бенедиктийн сүм дуганыг анх байгуулж, жижиг тосгон байсан Ковентри хотыг хожмоо Английн дөрөвт орох хэмжээний том хот болон хөгжих эх суурийг тавьсан Англи-Саксоны үеийн гүн бол түүний эхнэр Годива 10 жил хамтдаа амьдрсан байна. Тэрээр гүн сүсэг бишрэлтэй нэгэн байсан тул сүм хийд газар тариаланд их өглөг өгдөг байсан гэдэг. Годива хатны тухай домог яриа газар тариаланд үржил шим өгөх эртний шүтлэгээс үүсэлтэй бөгөөд Европт он удаан жил хадгалагдан хоцорч, зарим ед Христийн шашны зан үйлтэй хүртэл холбогддог байжээ. Харин 13-р зууны ед Рожер Виндоверийн Нормандын цаг тооны бичигт тэмдэглэгдсэнээр өргөн олон мэдэх болсон байна.
Уг бичигт тэмдэглэгдэн үлдсэнээр тухайн үйл явдал 1040 долдугаар сарын 10-нд болсон гэж цаг хугацааг нь яг таг зааж өгсөн байдаг аж. Гэвч олонхи түүхчид энэ цаг хугацаанд эргэлздэг бөгөөд уг түүхийг ч хүлээн зөвшөөрдөггүй боловч Ковентри хотын оршин суугчид Годива бүсгүйн домгийг хүндэлж жил бүр баяр наадам тэмдэглэдэг байна.
1678 онд анх ийм баяр наадам зохион байгуулагдаж эхэлсэн байна. Ковентри хотод Годива бүсгүйн хөшөө сүндэрлэн байдаг бөгөөд 1998 оны долдугаар сарын эхнээс хотын Дурсгалын цэцэрлэгт хүрээлэнд гурав хоног үргэлжилсэн өргөн дэлгэр наадам зохион байгуулдаг болж, урлагийн үнэ төлбөргүй тоглолт явуулахын хамт өргн олны зугаалга, дуу хуур, бүжиг наадам ёслолын буудлага гээд ёслол тглдр баяр наадмын бүх арга хэмжээ хөвөрдөг болсон байна. Хамгийн гол нь баярын арга хэмжээний эхэнд Годива бүсгйтэй адил хагас нүцгэн хувцасласан бүсгйчүүд болон 11-р зууны үеийн хувцсаар гоёсон өнгө алагласан жагсаал явдаг аж. Үүний хамт мөн Годива бүсгүйн дүрийг мөнхөлсөн урлагийн бүтээлд мэдээж худалдаалдаг бол сансар огторгуйн солирт хүртэл уг домгийг алдаршуулан манай нарны аймгаар эргэлдэх нэгэн солирт Годива 3018 гэх нөр өгсөн байдаг.
