Зарим хүмүүс өнөөдөр манай дэлхийн сансар судлалын шинжлэх ухаан ямар төвшинд хүртлээ хөгжсөн талаар төсөөлөл байдаггүй. Бүр ихэнх нь 1957 онд ЗХУ анх “Sputnik 1” хиймэл дагуулаа сансарт хөөргөснөөс хойш дэлхийгээс нийт 6000 хиймэл дагуул задгай сансарт хөөрсөн гэдэгт ч итгэдэггүй. Тэд бүгд өөр өөрсдийн зорилготойгоор өөр өөрсдийн цаг үедээ хөөрч байснаас 3600 орчим нь одоог хүртэл манай гаригийн тойрог замд эргэлдсээр байдаг юм. Харин тэднээс цөөн хэд нь өнөөдрийг хүртэл үйл ажиллагаагаа явуулж одоогийн хүн төрөлхтний аж амьдралыг удирдан явуулж байна. Харин бусад нь ердөө л сансрын хаягдал болсон гэж хэлж болно. Харин тэдгээр эзэнгүй хиймэл дагуулуудтай адил нэгэн биет сансарт жингүйдэн хөвж байдаг нь “black knight” юм. Энэ бол сансар судлаачдын түүнд оноосон нэр.
1998 онд Насагийн дарсан зураг
Уг зурагт Наса болон ОХУ-ын сансар судлалын хүрээлэн одоог хүртэл ямар ч тайлбар өгөөгүй байдаг. Харин уг зураг нь хуйвалдааны онолд итгэгчдийн дайны талбар болж хувирсан юм. Мөн үүнтэй холбоотой нэгэн сонирхолтой таамаглал байдаг нь дэлхийн технологийн суутан Никола Тесла юм. Тэрээр тэмдэглэн үлдээхдээ “1899 оны нэгэн намуухан үдэш би маш сонин дуу хоолой сонссон, тэр бол манай гаригийн бус оюун ухаант соёл иргэншлээс надад илгээсэн дуу байсан” хэмээсэн байдаг. Энэ явдлаас олон жилийн дараа буюу 1968 онд сансар судлаачид Николаг үнэн ярьсныг баталсан бөгөөд тэр дуу хоолой нь радио долгион байсан бөгөөд манай гариг бус гадаад сансрын амьд биетээс илгээсэн хэмээн үзжээ.
Никола Тесла тухайн үед хэнд ч дэлхийн гадна орших хиймэл дагуул надад долгион илгээсэн гэж хэлээгүй юм. Учир нь тэр үеийн хүн төрөлхтний үгсийн санд хиймэл дагуул гэдэг үг байдаг ч үгүй байлаа. Харин хуйвалдааны онолд итгэгчид түүний сонссон дуу хоолойг “black knight” буюу хэний ч үл мэдэх нууцлаг хөлгөөс илгээсэн хэмээн итгэдэг байна.
1998 онд STS-88 хөлгийн авсан зураг
1954 онд АНУ-ын хэд хэдэн сонинууд харь гаригийнханы тухай нийтлэл бичиж эхэлсэн байдаг. Үнэн худлыг нь мэдэхгүй ч хүн төрөлхтөн хиймэл дагуулаа хөөргөхөөс 3 жилийн өмнө буюу 1954 онд АНУ-ын агаарын нисэх хүчин дэлхийг тойрон эргэж буй 2 дагуулыг олж илрүүлсэн хэмээн бичсэн байдаг. Гэхдээ тухайн үед тэр хэмжээний технологи байсан уу гэдэгт маргаан үүсдэг учир өнөөдрийг хүртэл няцаасаар иржээ.
Гэвч 1960 онд буюу хүйтэн дайны оргил үед АНУ-ын хэвлэл мэдээллүүдээр “Dark Knight”-ын тухай анх удаа мэдээ цацагдсан бөгөөд үүнийг ЗХУ-ын тагнуулын хиймэл дагуул, тэд цөмийн дайнд бэлдэж байна гэх зэрэг суртал ухуулга хийж байжээ. Мөн Time сэтгүүлд хэдий ЗХУ-ынх боловч энэ нь урьд хожид харагдаж байгаагүй маш өвөрмөц хийцтэй, үл мэдэгдэх нисдэг биет хэмээн цохон тэмдэглэсэн байдаг.
Түүнчлэн 1998 онд Atlantis хэмээх АНУ-ын сансрын нисэх онгоц “Black knight”-тай анх удаа хүн төрөлхтнийг төлөөлж ойртож үзсэн бөгөөд сансрын нисгэгчид задгай сансарт гарахаар бэлтгэлээ базааж байтал ямар ч мотор эсвэл технологи асах шинж тэмдэг илрээгүй боловч үл мэдэгдэх биет гэнэт хөдөлгөөнд орж аажмаар жингүйдэн Atlantis хөлгөөс холдсон байдаг. Наса уг даалгаврыг яаралтай цуцлах тушаал өгч Atlantis хөлөг ч буцан явсан түүхтэй.
