Дуучин Нарагийн хувийн амьдралын тухай сенсааци дэгдэж, нэг хэсэг олны анхаарлыг татаад байсан. Хүүгийнхээ эцгийг олонд зарлаж, таагүй харилцаатай байдаг тухайгаа дурдсан тэрбээр экс нөхрөө хуулийн байгууллагад өгч, үүрэг хариуцлагыг нь хүлээлгэхээ мэдэгдсэн.
Гэсэн ч харамсалтай нь тэдний хооронд дахин маргаан дэгдэж, энэ талаарх мессежээ олонд дэлгэжээ. Энэ тухай дуучин бүсгүй “Хүүгийн минь төрсөн эцэг Б.Батцацрал Global Worldwide LLC – тээвэр логистик-н Захирал гэх хүн гуай хуулийн дагуу үүргээ гүйцэтгэхээс татгалзсаар л сууна. Цайна гэдэг нь энэ ажээ. Хүүдээ бас эцэг шиг биш гэхэд хүн шиг хандчих байх гээд хараад сууж байтал, хариу нь ийм байдаг наасссс.
Өнөөдөр Монгол улсад хүүхдийг эрүүл саруул өсөж торних, сайн боловсрол эзэмших, сайн эмнэлгийн үйлчилгээ авах гээд тоочоод байвал олон зүйлсийг эцгийн талаас сар бүр 100 орчим мянгаар үнэлээд, тэр нь эцгийн хайрыг орлочихдог гэдэг ойлголт нь манай нийгмийн хамгийн том #доройтол мөн. Гэтэл энэ бөөсний чинээ тэтгэмжээ хүртэл ухамсраараа төлдөг нь өдрийн од мэт ховор.
Хүүхдийн бүх зардлын 50%-ийг эцэг нь, үлдсэн 50%-ийг эх нь хариуцна. Энэ зардалд хүүхдийн хоол хүнс, хувцасны хэрэглээнээс гадна боловсрол, эрүүл мэндийн гээд бүх зардал багтана.
Тиймээс хүүхдийн зардлаас хуваалцах үүргээ биелүүл гэж хэлэхэд намайг тэжээх гэж байгаа мэт аяглах Батцацралын агуу их ухааныг гайхаад барамгүй нь.
Хууль нь хүнийхээ үнэ цэнийг эрхэмлэж чадаагүй, нийгмийнхээ үнэ өртөгт нийцэж чадаагүй байхад ийм мэт ялгадаснууд энд тэнд үрээ цацаад явахаас ч өөр яалтай билээ ч юм шиг…
Батцацрал гуайгаас би угаасаа хүүхдээ сайн боловсрол, сайхан орчинд амьдруулахад шаардагдах нийгмийн хүчин зүйлсийн сайнаас нь хүүхдэдээ хүртээхийн төлөө үргэлж Монгол улсын хуулийн хязгаар хүртэл явахаа хэлэх байна.
Харамсалтай нь тэнэг хүн гэж тэнэгээрээ л дуусдаг юм байна, надаас амьдрах туслалцаа хүсэж байгаа бод #АятайханГуй гэнэ үү хахахаха
Би намайг амьдруулаад өгөөч, надад хоол аваад өгөөч гээд байгаа юм биш гэдгийг одоо хэр нь ойлгоогүй яваа ойгүй тэнэг гэж бас байх аа.
Эцэг эх маань намайг хүн шиг хүн болгон өсгөж хүмүүжүүлээд, эцэг эхийн үүргээ өдий 37-н жил шахам гүйцэтгэсээр л байгаа юм?!?
Харин таны наад харж байвч сохор мэт, цохилж байвч зогссон мэт зүрх сэтгэл хүүхдийнхээ өмнө хариуцлага хүлээчихдэггүй юм бол хууль нь яаж хүлээлгэдгийг харъя л даа. Маргаан хаагдаагүй, хаагдах ч үгүй.
Хүүхдийн өмнө зөвхөн тэтгэмж, хүүхэд сурч боловсрох, эрүүл өсөх нийт зардлын 50%-ийг чамаас хуулийн дагуу авахаас гадна, хүүхдийнхээ онцгой мөчүүдэд хамт байж, орон зайн алдагдлаа нөхөх биеэр гүйцэтгэх үүргийг чинь хүртэл баталгаажуулж чамаар үйлдүүлнэ. Энэ мэт тохиолдолд эцэс гэж байдаг бол эцэслэх шалтгааны кэйс нь чи байх болно” хэмээсэн байна.
