Зурганд харагдаж буй хүнийг Вернер Фон Браун гэх бөгөөд Гитлерийн Германы гол зэвсэг бүр Эйнштенээс ч илүү суутан болон гялалзаж явсан эр юм. Түүний бүтээлүүд нийгэмд хэрхэн нөлөөлж байсан тухай нэгэн түүхийг дурсъя.
1939 оноос эхлэн Германы нисэх хүчин Их Британы нийслэл Лондон хотыг ёс болгож долоо хоногт хоёр удаа бөмбөгддөг зуршилтай болсон байлаа. Германы онгоц тэнгэрт харагдах үед оршин суугчид газар доорх нуувчинд нуугдаж бөмбөгдөлтийн дараа гарч ирэхэд гэр орон нь хэдийнээ нурчихсан байдаг бөгөөд энэ явдалтай ч Лондончууд эвлэрсэн байв.
Нэгэн өдөр Их Британы эргийн хамгаалалтын харуул дурангаар эх газрын европын зүг харж байтал тэнгэрт нэг жижигхэн зүйл харагдаж эхлэв. Онгоц гэхэд арай жижигхэн хэмжээтэй зүйл онгоцноос хурдан наашилж байлаа. Мань эр сандран түгшүүрийн дохио өгөөд дахин харав. Гэтэл өнөөх жижиг цэг нь онгоц биш пуужин болж таарсан бөгөөд биеэрээ газарт унан асар хүчтэй дэлбэрэлт болж төсөөлж баршгүй хохирол учирлаа. Урьд хожид ийм зэвсэг хараагүй цэрэг дахин тэнгэр өөд хартал үүлэн чөлөөнөөс хэдэн зуугаараа Лондонг зүглэн нисэж ирэх аж.
Тэр пуужин бол “Фау-2” буюу дэлхий дээрхи хамгийн анхны алсын зайн баллистик пуужин байлаа. Хүн төрөлхтөн алсын зайн баллистик пуужинтай ингэж анх танилцсан юм. Дууны хурднаас 4 дахин хурдан, катюшагаас 3 дахин хор хөнөөлтэй ер нь урьд хожид хэний ч харж байгаагүй зэвсэг байв. Тухайн үед Их Британи битгий хэл АНУ-д ч уг пуужинг эсэргүүцэн хамгаалах технологи байсангүй.
Иймд Их Британы нисэх хүчний хөөрхий дайчид эх орноо хамгаалахын тулд Фау-2 пуужин ирвэл бүгд онгоцондоо сууж “Германаас” харвасан алсын зайн тусгалтай пуужингийн эсрэг онгоцоо жолоодон агаар дээр нь устгахаар дайрдаг болжээ. Үүнээс өөр хамгаалах арга байгаагүй бөгөөд энэ ажиллагааны явцад нилээдгүй онгоцнууд фау-2т оногдсон сүйрч байсан нь мэдээж бизээ.
Вернер Фон Браун-ны эхлүүлсэн фау-2 төсөл нь дэлхий нийтийн хувьд алсын зайн удирдлагатай тив алгасах баллистик пуужин, цөмийн пуужин, цаашлаад сансрын хөлөг бүтээх эхлэл болж өгсөн юм.Тэрээр нацист намдаа үнэнч байсан бөгөөд Германы сүйрч буй засгийн газар бүх эрдэмтдээ нуугдах тушаал өгсөн бөгөөд Гитлерийн эцсийн мөч хүртэл Фон Браун Америк болон Зөвлөлтүүдээс нуугдаж байгаад хамгийн сүүлд нас барсны дараа сайн дураараа Америкчууд дээр очсон байдаг.
Учир нь тэрээр дайны хамгийн гол хүн байсан бөгөөд Германыг хоёр талаас нь эзэлж буй АНУ болон Их Британи Зөвлөлтийнхөн бүгд түүнийг амьдаар нь олзлох туйлын их хүсэлтэй байлаа. Учир нь түүнийг олзолж чадсан улс л өрнөж буй атомын эрин зуунд ноёрхох байсан юм. Иймээс тэрээр ирээдүйгээ бодож Зөвлөлтүүдэд олзлогдож байхаар АНУ-ыг сонгосон түүхтэй. АНУ-д “Наса” хүү мэндлэх болсон шалтгаант нөхцөл нь энэ байлаа.
