Монголдоо цөөхөнд тооцогдох эмэгтэй репперүүдийн нэг Мrs.M сүүлийн үед трап урсгалаар түлхүү уран бүтээлээ туурвих болсон. Түүнийг олон нийт жүжигчин О.Энхтуулын охин гэдгээр нь тун ч сайн мэднэ. Харин тэрбээр саяхан “Star” телевизийн хөтлөгч Х.Учралыг дөрвөн ч удаа мурьсан гэнэ.
Х.Учрал “Учиртай урилга” нэвтрүүлэгтээ түүнийг хоёр удаа урьсан ч тэрбээр очоогүй аж. Харин дараагийн хоёр удаад Mrs.M өөрөө холбогдон нэвтрүүлэгт нь орохоор тохиролцсон боловч ирээгүй аж.
Энэ тухай хөтлөгч Х.Учрал өөрийн цахим хуудаснаа нийтлэн гомдолтой байгаагаа илэрхийлсэн байсан ч удалгүй устгажээ. Тэгэхээр дараагийн “Учиртай урилга”-ын зочин жинхэнээсээ Mrs.M байж ч мэдэх нь ээ.
