1937 оны зул сарын баярын өдөр Charlton болон Chelsea хоёрын хооронд өрнөсөн нөхөрсөг тоглолт Англи даяар шуугиан тарьж амтай болгон энэ тухай л ярьцгааж байв. Учир нь тоглолт 1-1 харьцаатай явагдаж байсан бөгөөд тоглолтын 61 минутас эхлэн үл мэдэгдэх шалтгаанаас асар их хэмжээний манан бүрхсэн байдаг. Манан дуу чимээг дарж бүх зүйлийг нам гүм болгодог гэдгийг та бүхэн мэдэх байх.
Иймээс үзэгдэх орчин бүрэн хязгаарлагдсан тул тоглолтыг 61 минутаас нь эхэлж таслан манан буусны дараа үргэлжлүүлж, бөмбөгийг голын шугамнаас гарган завсарласан минутаас эхлэн цаг тоолхоор шийдэв. Гэвч уг шийдвэрийг Charlton багийн хамгаалагч Sam Bartram огт мэдээгүй бөгөөд хэн ч түүн дээр очиж хэлээгүй байна. Тиймээс тэрээр бүхэл бүтэн 20 минутыг турш хаалганы урд үүргээ гүйцэтгэн зогссоор байжээ.
Гэтэл гэнэт нэг хүн ардаас нь “чи энд ямар чөтгөрөө хийгээд байгаа юм” хэмээн орилох дуунаар эргэж хартал ард нь цагдаа ирчихсэн зогсож байв. Тухайн цаг мөчид л тоглолт завсарласныг, яагаад 20 минутыг турш өөр дээр нь нэг ч бөмбөг ирээгүйг, багийнхныгаа айлын талбай дээр бут авч байна хэмээн хий дэмий итгэж мөрөөдсөн болохыг ойлгожээ. Тухайн үед цагдаа түүнийг таниагүй бөгөөд эргэж харах үед нь таньж инээдээ барьж дийлэлгүй инээсэн байдаг. Түүнийг стадионы амралтын өрөөнд орох үед багийн бүх гишүүд нь усанд орчихсон амарч байсан байна. Түүнийг хаагуур дэмий тэнэж байгаад ирсэн тухай асуусан бөгөөд Sam Bartram тун их ичиж зовсон тул тухайн үед юу ч хэлээгүй юм. Гэвч Associated Press агентлагийн зурагчин түүний зургийг дарж амжсан бөгөөд маргааш нь гэхэд Их Британы хамгийн том ярианы сэдэв Sam Bartram болоод байв. Түүний юу хийж байсныг нь багийнхан нь битгий хэл дэлхий нийтээрээ мэдэх нь тэр. Бас ч гэж азтай, тухайн цагаас эхлэн түүний зах зээлийн үнэлгээ өссөн түүхтэй.
