ОХУ-ын Ерөнхийлөгч В.Путин өнөөдөр /2019.09.03/ Монгол Улсад айлчилж байна. Түүнийг 13:30 цагийн орчимд Сүхбаатарын талбайд угтан авснаар айлчлал эхэллээ.
ОХУ-ын Ерөнхийлөгч Владимир Путин манай улсад хийж буй айлчлалынхаа үеэр “Aurus Senat” нэртэй лимузин автомашин хөлөглөж байна.
“Aurus Senat” машиныг өнгөрсөн онд ОХУ-д үйлдвэрлэсэн ба хөдөлгүүрийг “Порше” болон “Бош” компаниуд хамтран үйлдвэрлэжээ. “Aurus Senat” нь 4.4 литрийн багтаамжтай V8 хөдөлгүүртэй, 598 морины хүчин чадалтай.
Уг автомашин нь 2013 оноос эхлэн ОХУ-ын Ерөнхийлөгчийн албан ёсны унаа болжээ. Тансаг зэрэглэлийн энэхүү автомашин худалдаанд цөөн тоогоор гардаг бөгөөд нэг автомашины үнэ 10 сая рубль буюу 160 мянган ам.доллар юм байна.
