1901 онд АНУ-ын ерөнхийлөгч Уйльям Мак-Кинлиг бусдад алагдсаны дараа тухайн үед дэд ерөнхийлөгчийн суудал хашиж байсан 42 настай залуу эр болох Теодор Рузвельт ямар ч сонгуульт ажилгүйгээр АНУ-ын ерөнхийлөгч болсон түүхтэй. Тэрээр АНУ-ын 33 дахь ерөнхийлөгч бөгөөд бүх цаг үеийн хамгийн нэр хүндтэй ерөнхийлөгчдийн нэг байсан тул Rushmore ууланд түүний царайг George Washington, Thomas Jefferson, Abraham Lincoln нарын хамт мөнхөлсөн байдаг. Тэрээр ерөнхийлөгчөөр ажиллаж байх хугацаандаа Панамын сувгийн ажлыг эхлүүлсэн бөгөөд Орос улс болон Японы хооронд өрнөж байсан дайныг энхийн аргаар зогсооход зуучилсан тул Нобелийн энх тайвны шагнал хүртэл хүртэж байжээ.
Түүгээр барахгүй Хойд Америк тивийг бүхэлд нь харилцаа холбооны нэгдсэн систем оруулж, АНУ-ын тэнгисийн цэргийн хүчийг нэмэгдүүлж асар богино хугацаанд дэлхийн хамгийн хүчирхэг усан флоттой гүрэн болгож чадсан юм. Чухам түүний цаг үед л байгаль орчны тухай хуулиуд батлагдаж үндэсний цэцэрлэгт хүрээлэнгүүдийг АНУ-ын хот бүрт шинээр барьж, ой модыг хамгаалах хууль баталж, хөшөө дурсгалуудыг ч сүндэрлүүлэн АНУ-ын шинэ хойч үеийг эх орноо хайрлах, эх орноороо бахархах буюу өнөөгийн Америк мөрөөдлийг үндэслэн бий болгосон түүхтэй.
Түүнчлэн тэрээр АНУ-ын ерөнхийлөгчдөөс цор ганцаар бие дээрээ шивээстэй нэгэн байлаа. Түүний шивээс чухам юуг билэгдсэнийг хэн ч бүрэн тайлбарлаж чадахгүй боловч хуйвалдааны онолд итгэгчид үүнийг ямар нэгэн нууц бүлгэмтэй холбоотой хэмээн үздэг байна. Үнэхээр ч тэрээр 1900 онд буюу дэд ерөнхийлөгчөөр ажиллаж байхдаа АНУ-ын Масоны нийгэмлэгийн уулзалтад очиж шагнал гардуулах ёслолоор залуу Масончуудад шагнал гардуулж байсан нь үнэн. Гэвч шивээсний хувьд үүнийг сайтар ажиглах боломж эхнэрээс нь өөр хэнд ч бүрдээгүй бөгөөд түүнийг нас бармагц биеийг нь төрийн тусгай хамгаалалтад авч бүх зүйлийг чанд нууцлан өндөр хамгаалалтад оршуулсан байдаг. Тэрээр 1909 онд ерөнхийлөгчийн албаа орхисон бөгөөд 1920 онд дахин өрсөлдөхөөр төлөвлөж байсан хэдий ч бие нь эрчимтэй муудсанаар 1919 онд нас барсан түүхтэй.
