АНУ-ын сансар судлалын хүрээлэн Казахстан улсад маш өвөрмөц тогтоц бүхий& байгалийн бус дүрсийг илрүүлсэн байдаг. Насагийн хиймэл дагуулд уг газар нь маш том хэмжээний ямар ч суурьшилгүй зэлүүд нутаг мэт байсан боловч стандарт хөлбөмбөгийн талбайтай тэнцэхүйц хэмжээтэй ямар нэгэн утга учир бүхий хээ, дүрсүүдийг илрүүлсэн юм. Мөн энэ нь нисэх онгоц нисдэг тэрэгнээс ч сайтар харагддаг байна.
Насагийн эрдэмтдийн судалгааны үр дүнд уг бүтээлийг 8000 жилийн өмнөхөд хамааруулан тайлбарласан байдаг. Үүнд гурван дүрс хамаарах бөгөөд хамгийн том хэмжээтэй нь тэнгэрээс харахад хас тэмдэгтэй ойролцоо харагдаж байсан нь эрдэмтдийн гайхшралыг нилээдгүй төрүүлсэн юм.
Хамгийн гайхалтай нь эдгээр дүрсүүдийг 2007 он хүртэл хэн ч олж нээгээгүй байсан бөгөөд тухайн жил Казахстан улсын нэгэн иргэн Google Earth ашиглан өөрийн улсыг сонирхож байгаад санамсаргүй тохиолдлоор илрүүлжээ.
Насагийн эрдэмтэд иймэрхүү тохиолдол дэлхийд цөөн хэд бүртгэгдэж байсныг онцлон хэлсэн боловч яг иймэрхүү эртний дүрсийг хэзээ ч олж харж байгаагүй гэнэ. Иймд уг ажлыг илүү гүнзгийрүүлэн судлахын тулд сансарт ажиллаж буй сансрын нисгэгчдэд уг бүс нутгийн зургуудыг илүү авах даалгавар өгсөн байдаг.
Түүнчлэн уг нууцлаг дүрсийг одоогоос 8000 гаруй жилийн өмнө амьдарч байсан нүүдэлчид бүтээсэн байж болзошгүй гэж үзсэн боловч энэ таамаг төдийлөн амжилт олохгүй л байна. Учир нь тэр үед дээрээс харах технологи байхгүй л бол яг ийм дүрсийг өндөр нарийвчлалтайгаар тэр үеийн хүмүүс бүтээнэ гэдэг бол үнэхээр байж боломжгүй зүйл аж.
Асуудлын гол нь уг хачирхалтай зүйлийг судлахыг хүсэх боловч чухам хаанаас эхэлж судлахаа сайтар олж чадахгүй байгаа гэнэ. Учир нь ямар ч днк шинжилгээ хийх эх үүсвэр байхгүйгээр барахгүй 8000 жилийн өмнөх түүхэн сурвалж олно гэдэг бол бүр ч бүтэшгүй зүйл аж. Иймд зарим эрдэмтэд үүнийг харь гаригийнхантай холбон тайлбарлаж эхэлсэн байна. Гэхдээ үнэхээр харь гаригийнхаа байсан бол тэд ямар учраас хүн төрөлхтөн нийгэмшээгүй буюу эрт үед манай гаригийн өнцөг булан бүрд янз бүрийн дүрс урласан вэ? Үүнийг юунд ашиглана вэ гэдэг бас л хариултгүй асуулт болж үлдэж байгаа юм.
