2004 онд өөрийн охины хуримд оролцохоор охинтойгоо хамт АНУ-ын иргэний агаарын тээврээр үйлчлүүлэн Orlanda хотыг зорин нисэж байсан 67 настай Dorothy Fletcher гэх хатагтайн зүрх гэнэт зүрхний шигдээс болон зогсжээ. Өмнө нь түүнд ийм зүйл огт тохиолдож байгаагүй бөгөөд чихрийн шижин өвчтэй байсан тул эмч нар гам барих хэрэгтэй хэмээн зөвлөсөн ч тэрээр цусан дахь сахарын хэмжээгээ тогтмол их байлгаж хөдөлгөөн хийхгүй буруу хэв маягаар амьдарснаас ийм зүйл тохиолдсон байна.
Түүнийг онгоцонд зүрхний шигдээс болох үед охин нь сандарч үйлчлэгчийн дуудахад үйлчлэгч ямар ч тусламж үзүүлж чадахгүйгээ ойлгон зорчигчдоос эмч хүн байна уу гэж асуухад 18 хүн гараа өргөжээ. Охин болон онгоцны үйлчлэгч хоёр гайхаж ямар төрлийн эмч нар болохыг нь асуухад бүгд зүрхний эмч байсан бөгөөд яг хэрэгтэй хүмүүс хэрэгтэй цагтаа зөв газраа явж таарсан байна. Ийнхүү тэнд байсан бүхий л эмч нар яаралтай арга хэмжээ авсны үр дүнд түүний зүрхийг дахин ачаалуулж эхэлсэн бөгөөд төд удалгүй ухаан орж Orlanda-д 3 хоног эмнэлэгт хэвтээд эмнэлгээс гарч охины хуримд оролцсон байдаг.
Харин тус онгоцонд сууж явсан 18 эмч бүгд хамт явж байсан бөгөөд АНУ-ын зүрхний эмч нарийн хуралд зүрх судасны эмгэгийн талаар семинарт оролцохоор явж байжээ. Dorothey Fletcher тэдгээр эмч нарт талархсанаа илэрхийлэх гэсэн боловч хурал дуусаж бүгд өөр өөрсдийн гэрлүү зүг бүрт таран одсон байв. Гэсэн ч тэрээр цахим орчинд талархсанаа илэрхийлсэн бөгөөд түүний бичвэрийг олон сая Америкчууд фэйсбүүк сайтаар хуваалцсанаар амь аварсан алдарт 18 эмчийн сонорт хүрсэн байдаг. Ямартай ч тухайн мөчид Dorothy Fletcher үнэхээр үхэх цаг нь болоогүй байсан бололтой
