2006 онд таван хүүхдийн эцэг болох 63 настай Fred Vautour-ын бие огцом муудаж эмнэлэгт хүргэгдсэн боловч тэрээр өөрийн өвчинтэй тэмцэн байж эмнэлэгт хэвтэхээс татгалзаж ажилдаа явсан байдаг. Учир нь түүний хамгийн бага охин Boston College-ыг сувилагч мэргэжлээр энэ жил төгсөх байлаа. Харин Fred Vautour Boston College-д цэвэрлэгчээр ажилладаг байсан бөгөөд тэрээр эмнэлэгт хэвтэж ажлаасаа гарах юм бол охиных нь сургалтын төлбөрийн хөнгөлөлт бүхэлдээ байхгүй болох байсан юм. Ийм ч учраас тэрээр өөрийн өвчинг үл тоон ажлаа хийсэн хэрэг.
Түүх хэрхэн эхэлсэн бэ гэвэл анх Fred Vautour оршуулгын газрын манаач хийдэг нэгэн байсан бөгөөд түүний жилийн орлого нь 5 хүүхдийнх нь коллежийн мөнгийг төлөхөд үнэхээр хаана ч хүрэхгүй байлаа. Иймд тэрээр нилээд хугацаанд судалж үзсэний үр дүнд Boston College өөрсдийн сургуулийн багш, ажилчдын гэр бүлийнхнийг тэтгэлэгтэй суралцуулдгийг олж мэдэн тэнд ажилд орохоор шийдэж анхны хүүхдээ тэтгэлэгтэйгээр суралцуулж чадсан байна. Тэрээр 1993 онд тус сургуульд ажилд орсон бөгөөд өөрийн 5 хүүхдийг дээд боловсрол эзэмшүүлж чадсан юм. Энэ бүхний төлөө Fred Vautour өөрийн 23 жилийг сургуулийн үйлчлэгч, цэвэрлэгч хийж өнгөрүүлсэн нэгэн.
Түүний жилийн орлого 24 мянган доллар бөгөөд сургуулийн ажилчдын гэр бүлийн хүмүүс 80 хувь хөнгөлөлттэй үнээс суралцаж шалгалт өгч сайн дүн авах юм бол 100 хувь хөнгөлүүлдэг аж. Харин түүний 5 хүүхэд цөм 100 хувь хөнгөлөлттэй үнээр сурч чадсан бөгөөд учир нь тэд эцгийнхээ өөрсдийнх нь гэсэн сэтгэл болон хүүхдүүдийнхээ төлөө ямар их золиос гаргасныг мэддэгт гол учир оршиж байв. Энэ бүхнийг Fred Vautour өөрийн хүүхдүүдийг өөрөөсөө илүү хүн болгохын тулд л хийсэн хэмээн ярилцлага өгчээ. Өдгөө түүний бүх хүүхдүүд сургуулиа төгсөж зарим нь их сургуульд үргэлжлүүлэн сурч, зарим нь мэргэжлээрээ ажил хийдэг байна. Харин Vautour энэ бүхний эцэст тэтгэвэрт гарч гэртээ амар тайван амьдарсаар байгаа юм.
