Хойд хөршийн Алтай хязгаар хамгийн хүйтэн бүс нутаг болох Сибирьт нэгэн гайхалтай үйл явдал болжээ. Тус нутгийн Локтевский дүүргийн оршин суугчид нэгэн нохойг байрнаасаа хөдлөлгүй хоёр хоног болсныг анзаарсан гэнэ. Санаа нь зовсон тэд тус нохойд туслахаар дөхөн очтол санаанд оромгүй зүйл олж харжээ.
Тус нохойн дор бяцхан хүү байгааг тэд олж харсан бөгөөд хүүг ээж нь хоёр хоногийн өмнө гэрээсээ гаргаж хаясан болох нь тогтоогдсон байна. Харин нохой бяцхан хүүг хоёр хоногийн турш дарж хэвтэн амийг нь аварсан байна.
Хүн амьд үлдэх боломжгүй тэсгэм хүйтэнд хүүхдээ гадаа хаясан цэвдэг сэтгэлтэй эмэгтэйн эх байх эрхийг хасан шоронд суулгасан гэнэ.
Харин хүүг яаралтай эмнэлэгт хүргэсэн бөгөөд түүний амин үзүүлэлтүүд тун ч доройтсон үзүүлэлттэй гарсан байна. Тус нутгийн оршин суугчдын дунд нохой жинхэнэ баатар болон хувирч, харин хүүгийн хувьд амийг нь аврагч сахиусан тэнгэр болон хувирчээ.
