Дэлхийн нэгдүгээр дайн эд өрнөж байх 1914 онд баруун фронтод буюу Бельгийн нутагт Франц, Их Британи, Германы цэргүүд ширүүн тулалдсаар байлаа. Харин тухайн оны зул сарын баярын өдөр гурван улсын цэргийн удирдлагууд утсаар холбогдож түр зуурын гал зогсоох хэлэлцээрийг байгуулах шийдвэр гаргасан байна. Тэд зул сарын баяр гэх ганцхан өдөр ёсыг бодож, сайн сайхныг бэлэгшээж цус урсгалгүйгээр нөхөрсгөөр өнгөрүүлэхээр тохиролцсон хэрэг.
Ийнхүү 3 талаас 3 улсын цэргүүд зэвсгээ хаян цугларч хамтдаа зул сарын дуу дуулж, хоол хүнс болон бэлэг дурсгалын зүйлсийг өөр хоорондоо солилцож, нөхөрсөг хөл бөмбөгийн тоглолт хийж галын шугамыг ямар ч заналхийлэлгүй, аюулгүйгээр нэг өдрийг өнгөрүүлсэн байдаг. Харин цэргүүдэд хамгийн таалагдаж байсан зүйл нь бүх улсуудын цэргийн хангамжаас гаргаж өгсөн олон төрлийн тамхи байсан бөгөөд тэд хүссэн хэмжээгээрээ хүссэн төрлийнхөөсөө татаж байсан аж.
Тухайн үед баруун фронтод Герман, Франц, Их Британы нийт 100,000 орчим цэрэг тулалдаж байсан бөгөөд тэд бүгдэд зул сарын баярын өдөр хэн нэгэнд буудуулахвий гэх айдасгүйгээр чөлөөтэй алхах боломж бүрдсэн байна. Харин тухайн өдөр өнгөрмөгц маргааш үүрээр их бууны хүчтэй дэлбэрэлт болж буун дуу иргэн ирсэн байдаг. Өчигдөрхөн бие биеийгээ хайрлаж, уг дайнд өөрийн хүслээр тулалдаагүйгээ ярилцацгааж бэлэг солилцож байсан цэргүүд нэгнийгээ хядаж эхэлсэн юм. Уг явдал нь хүн төрөлхтний түүхэнд зулс сарын баяраар гал зогсоосон цор ганц тохиолдол болсноос гадна бүх нийтэд маш том сургамж, ухаарал болж чадсан аж.
