Түүнийг Chen Jin гэх бөгөөд тэрээр БНХАУ-ын хөдөө тосгонд амьдардаг жирийн нэгэн охин билээ. Гэвч 2009 онд тэдний гэр бүлд нэгэн эмгэнэлт явдал тохиолдсон нь түүний төрсөн эцэг элэгний хорт хавдартай хэмээн оношлогдож яаралтай элэг шилжүүлэн суулгах мэс засал хийхгүй бол амьдрах ямар ч боломжгүй хэмээсэн байна. Түүнчлэн эцгийг нь яаралтай эмнэлэгт хэвтүүлэн эмчилгээ хийлгэж эхэлсэн бөгөөд эмнэлгээс гараад эмчилгээгүйгээр амьдрах ямар ч боломжгүй бөгөөд түүнчлэн хэрэв эмчилгээний мөнгийг нь төлөхгүй бол эмнэлгээс гаргана хэмээх мэдэгдсэн аж.
Гэвч охины гэр бүл эмчилгээний хангалттай мөнгөгүй байсан бөгөөд өөрийг нь аминаасаа ч илүү хайрладаг аавдаа туслах ямар ч араггүй болсон тул 13 настай бяцхан охин сэтгэлээр ихэд унаж амиа хорлох шийдвэрт хүрсэн байдаг. Тэрээр “ээжээ, намайг уучлаарай. Би цаашид дахиж тэвчиж чадахгүй нь. Намайг үхэхээр элгийг минь аавд өгөөрэй” хэмээх захиа бичээд судсаа исгэсэн юм. Аз болж түүний ээж дөнгөж ухаан алдах үед нь охиноо олсон бөгөөд охиныг яаралтай эмнэлэгт хүргэж амийг нь аварсан байна.
Харамсалтай нь түүний эцэг өөрийн өвчнийг даван туулж чадалгүй нас барсан бөгөөд эмч нар болон сэтгэл зүйчид охинтой сайтар ярилцсаны үр дүнд тэрээр ээждээ хань болж цаашид сайхан амьдрах ёстой гэдгээ ухамсарласан юм. БНХАУ-д жилд дунджаар 1.5 сая хүнд эрхтэн шилжүүлэх мэс засал хийх шаардлага гардаг бөгөөд тэднээс ердөө 10,000 хүн л уг хагалгааг хийлгэж амьд үлддэг бол үлдсэн хэсэг нь эрхтний олдоц эсвэл хөрөнгө мөнгөнөөс шалтгаалан хорвоог орхидог аж.
