1960 оны 6-р сарын 15-ны өдрийн шөнө дунд АНУ-ын Texas Kopperl гэх 225 хүн амтай жижигхэн тосгонд нэгэн аймшигт явдал тохиолдсон байдаг. Уг аймшигт явдал нь цөлийн шороон шуурга байсан бөгөөд яг ийм шуурга урьд хожид дэлхийн альч өнцөгт болж байсан гэх баримт байдаггүй юм. Тухайн тосгоны оршин суугчид уг явдлын дараагаар болсон бүхнийг “сатаны шуурга” хэмээн нэрлэсэн байдаг.
Уг шуурга юугаараа бусад тохиолдлуудаас ялгаатай байсан гэхээр шуурганы эрч хэтэрхий хурдан буюу 121 км цагийн хурдтай байсан бөгөөд оршин суугчид аз болж бүгд зоорины давхартаа орж хорогдож амжсан байна. Түүнчлэн өөр нэгэн аюул гэвэл шуурга болох үед агаарын хэм огцом өссөн бөгөөд цельсийн 60 градус хүрч амьсгалах арга байхгүй болжээ. Аз болж хорогдох байранд байгаа хүмүүс уг аюулыг биеэрээ мэдрэлгүй өнгөрүүлсэн аж.
АНУ-ын Texas мужид одоо ч гэсэн иймэрхүү шуурга болдог боловч хэзээ ч ийм хүчтэйгээр бас халуунаар шуурч байгаагүй юм. Оршин суугчид аймшигт байгалийн үзэгдлийн дараа зоориноосоо дээш гарахад тэдний тосгоноос юу ч үлдээгүй байсан бөгөөд ойролцоо орших жижиг ой ч үндсээрээ хийсэж ой байсан гэх модны үндэсний том том бөөрөнхий нүхнүүд л үлдсэн байна. Харин моднуудыг шуурга болсон газраас 40-60 км зайнаас олсон бөгөөд мод түс бүр маш их хэмжээний түлэгдэлттэй байснаас гадна түлэгдэж хорчийсон навчнуудын ганц нэг үлдэгдлүүд ойролцоох тосгодуудаас олдсон байдаг. Яг иймэрхүү өвөрмөц шуурга дахиж нэг ч удаа болж чадаагүй бөгөөд хуй салхи, агаарын урсгал судлаачид өнөөдрийг хүртэл уг шуурга ямар шалтгаан нөхцлөөс бий болсоныг судалсаар байдаг аж.
