Өмнөд Солонгосын автомашин үйлдвэрлэгч Хьюндэй компани Улсан хот дахь нэг үйлдвэрээ түр хааж байгааг өнөөдөр зарлажээ.
Тус үйлдвэрийн нэг ажилтнаас коронавирусийн халдвар илэрсэн тул ийм арга хэмжээ авсан байна.
Сүүлийн өдрүүдэд Өмнөд Солонгос улс нь Хятадын эх газрын гадна орших Covid-19 вирусийн тархалтын хамгийн том төв болоод байгаа.
Өнөөдөр тус улсад халдварын 256 шинэ тохиолдол илэрснээр нийт тоо нь 2,022 болжээ.
Улсан хот нь Өмнөд Солонгосын коронавирусийн халдварын голомт Дэгү хотод ойрхон оршдог. Тус хотод Хьюндэй компанийн таван үйлдвэр байдаг бөгөөд нийт үйлдвэрлэлийн 30 орчим хувийг хангаж жилд 1.4 сая автомашин гаргадаг юм.
Улсаны үйлдвэрүүд дэх ажилтны тоо нь 34,000 орчим гэнэ.
Саяхан Өмнөд Солонгосын томоохон компани Самсунгийн гар утасны үйлдвэрт мөн халдвар илэрч үйл ажиллагаагаа түр зогсоож байв.
Эх сурвалж: Reuters
