Уг аварга яст мэлхийг Jonathan гэх бөгөөд түүнийг тэрээр 1832 онд өмнөд Атлантын далайд төрсөн юм. Түүний төрөл зүйл дэлхий дээр ердөө тавхан үлдсэн бөгөөд түүнийг 1882 онд буюу 50 настайд нь Их Британы эзэмшилд байдаг гэгээн Хеленагийн аралд хүргэж өгсөн байдаг. Түүнд Joathan гэх нэрийг 1930 онд тус арлын захирагч асан Spencer Davis өгсөн бөгөөд уг захирагч яст мэлхийг үрчлэн авснаар Joathan ч мөн дээдсийн хүрээлэлд багтаж өнөөдрийг хүртэл тасралтгүйгээр гэгээн Хеленагийн арлын засгийн газрын байранд амьдарсаар байна.
Яг баттайгаар хэлж мэдэхгүй ч Jonathan дэлхий дээр амьдарч буй амьтдаас хамгийн өндөр настай нь байж мэдэх юм. Гэхдээ хамгийн урт насалсан амьтны дээд амжилтыг Tui Malila гэх яст мэлхий эзэмшдэг бөгөөд тэрээр 189 хүртэл насалж 1965 онд Тонгад нас барсан байдаг. Харин 2006 онд Энэтхэгт нас барсан Aldabra гэх өөр нэг яст мэлхийг орон нутгийнхан 255 настай гэх боловч ямар ч баталгаа байхгүй тул түүнийг албан ёсоор хүлээн зөвшөөрдөггүй байна. Түүнчлэн 2016 онд 175 насалж бүхий л амьдралаа Австралид өнгөрүүлсэн Galapagos гэх яст мэлхий ч бий.
2014 онд Их Британы хатан хаан гэгээн Хеленагийн аралд айлчлах үеэр тус арлын удирдагч Mark Capes хатан хааныг арлын нүүр царай болсон 182 настай ахмад яст мэлхийтэй хамт угтсан байдаг. Уг яст мэлхий үхэн үхтлээ засгийн газрын байранд амьдрах бөгөөд 2015 онд амбан захирагч Mark Capes хэлэхдээ “Jonathan насны доройтлоос болж сохорсон, мөн үнэрлэх чадвар болон амтлах мэдрэмжээ ч алдсан. Гэхдээ түүний сонсгол онц сайн хэвээрээ байгаа” хэмээн хэлжээ. Jonathan өдгөө 186 насыг зооглож байгаа юм.
