Дэлбэрдэг шүднүүд
Гайхалтай сонсогдож байгаа биз. Гэвч ийм өвчин XIX зуунд байсан гэнэ. Уг өвчний үед хүний бүх шүд янгинан өвдөж, хэсэг хугацааны дараа шүдний эзнийг шалан дээр савж унатал нь дэлбэрдэг байжээ. Яагаад ингэдэг байсан юм бол оо? Эрдэмтдийн үзэж буйгаар, шүдэнд тавьсан хуучин ломбууд устөрөгчтэй харшилдан дэлбэрэлт үүсдэг байсан гэжээ. Харин одоо энэ үзэгдэл алга болсон аж.
Ногоон хүмүүс
Төмрийн дутагдал иймэрхүү төрлийн өвчлөлд хүргэдэг гэнэ. Өвчин даамжраад ирэхээрээ хүнд хэлбэрийн сэтгэл гутралд оруулж, хүч тэнхээ сулран, судас өргөсөн зүрх савладаг аж. Түүнээс гадна, эмэгтэйчүүдийн арьс ногоордог гэнэ!
Фосфортой эрүү
Энэ аймшигт өвчин орчин үед ховорхон тохиолддог болжээ. Энэ өвчний үед хүний эрүүний яс тал тал тийшээ ургаж эхэлдэг аж. Түүнээс гадна, шөнийн харанхуйд гэрэлтэж эхэлдэг гэнэ. Энэ өвчин фосфор ашигладаг шүдэнзний үйлдвэрийн ажилчдад ихэвчлэн тусдаг байсан бөгөөд харин үйлдвэрүүд фосфор ашиглахаас татгалздаг болсноор өвчин алга болсон аж.
Афины тахал
Фукидадагаас энэ өвчний тухай тодорхой болжээ. Уг өвчин Грекийн Афин хотод анх бий болсон байна. Өвчтөнүүд маш өндөр халуурч, нүд нь улаан болж, дараа нь цусаар бөөлжин, суулгалт өгдөг байсан гэнэ. Тухайн үед Афиныг эзлэхээр ирсэн спартакчууд тус хотын оршин суугчдыг харангуут огцом эргэн Афиныг орхин явж байсан гэхээр ямархуу аймшигт өвчин байсан нь тодорхой. Орчин үеийн өвчнүүдээс Эбола-той төстэй шинж тэмдгүүдтэй байсан бололтой.
Шилэн “зэрэглээ”
Энэ өвчин Дундад зууны үед нэг хэсэг дэлгэрчээ. Энэ өвчнөөр халдварласан хүн өөрийгөө шилээр хийгдсэн хэмээн төсөөлж, ялимгүй л хөдөлвөл тал тал тийшээ бутран унах мэтээр мэдэрдэг байж. Уг өвчин нь хааяа хааяа огцом илэрдэг байсан гэнэ. Хэн нэгэн хүн зүгээр суугаад хүмүүстэй ярилцаж байснаа гэнэт өөрийгөө шилээр хийгдсэн гэж хэлээд таг хөдөлгөөнгүй болдог байсан аж. Эрдэмтдийн үзэж буйгаар, энэ өвчин сэтгэцийн нэг төрлийн халдварт тахал байсан бололтой.
