Вьетнамын энэ өндөр настан өөрийнхөө үсний ачаар алдартай болж чаджээ. Тэр үсээ 64 гаруй жил угааж бас засуулаагүй гэнэ.
Вьетнамын Бен Тре мужийн оршин суугч Нгуен Тхи Динь 19 наснаасаа хойш үсээ угааж тайруулаагүй ажээ. 64 жилийн турш тэрээр ганц ч удаа үсчин ороогүйгээр барахгүй дөхөж ч очоогүй юм. Шампунь ч хэрэглээгүй үүнээс болоод үс нь аварга том могой шиг харагдах болжээ.
Эмээ усанд орох дургүйгээсээ болж л дээ гэх хүн гарах байх гэхдээ түүний шалтгаан маш сонирхолтой бүр далдын ч гэмээр юм шиг. Нгуенийн дурсан ярьж байгаагаар бол залуу байхад нь түүний толгой их өвддөг байж эмчид үзүүлж эмчилгээ хийлгэсэн ч олигтой өөрчлөлт гарч сайжраагүй ажээ.
Залуу бүсгүй үсээ тайруулах болон толгойн өвчин хоёр нь холбоотой болохыг анзаарсан бөгөөд нэг хэсэг үсээ засуулахаа больж ажиглахаар болжээ. Хэсэг хугацааны дараа түүний таамаг батлагдсан буюу үсчинд очсоны дараа толгой нь өвдөж байгааг ойлгосон юм.
Тэр цагаас хойш л үсээ засахаа больсон үс ургах тусам өөрт нь таатай мэдрэмж төрсөөр л. Хамгийн хачирхалтай нь үсээ угаахаар дахиад л толгой өвдөж эхэлсэн гэжээ. Тиймээс би үсээ ч угаахаа больсон ерөөсөө ус хүргээгүй гэж тэрээр ярьсан байна.
Үс нь урт болсоор л Нгуен шийдвэр гаргах цаг өөрийн эрхгүй ирсэн юм. Урт үсээ яах вэ? Ингээд үсээ сүлжиж эхэлсэн бөгөөд тэр нь аварга том могой шиг харагдах болжээ.
Өндөр настан ч энэ нь давуу талтай гэж үздэг. Тэр өндөр насалж байгаа тэгээд ч үс нь бууралтаж байгаа нь тодорхой. Гэхдээ үсээ угаадаггүй болохоор түүний үс бүхэлдээ бор өнгөтэй гэнэ. Миний залуу насыг үс минь л санагдуулах юм даа гэж эмээ дурсжээ.
1990 онд Нгуен Тхи Динь буддын Хюэ Фуок сүмд амьдрах хүсэлт гаргажээ тэр цагаас хойш тэндээ амьдарсаар байна. Тэрээр цагаан хоолтон болсон аажим юм юмнаас л татгалзаж байгаа: өдөрт нэг л удаа хоол иднэ маань тарни уншина маш энгийн даруухан амьдралаар амьдарч байна.
Түүний гаргасан шийдвэр зөвхөн бие махбодын бус мөн сэтгэл зүйн эрүүл мэндийг аварсан гэж үздэг. 83 насандаа ч хэлэх өвчингүй явна.
Өндөр настны үс жилд ойролцоогоор 10-аад сантиметр ургаж байна. Хэдий Гиннесийн рекордыг эвдэж чадахгүй ч гэлээ үнэхээр сэтгэл догдлуулах тохиолдол мөн ажээ.
