Түүнийг Eleanor Dumont гэх бөгөөд 1829 онд Франц улсад төрсөн боловч түүнийг бага байхад гэр бүл нь АНУ уруу цагаачлан тэндээ амьдрахаар болжээ. Тэрээр өсвөр насандаа тун үзэсгэлэнт охин байсан боловч нас нэмэхийн хэрээр уруулан дээрх сахал нь тодорч нас бие гүйцэх үед эр хүн шиг сахалтай болсон байв. Иймд уг байдлаасаа их ичдэг болсон тул аль болох гадагш гарахгүйн тулд 1849 оноос эхлэн АНУ-ын San Francisco хотод мөрийтэй тоглоомын газарт хөзөр тараагч хийж эхэлсэн байна.
Тэрээр бүхий л амьдралыг хань ижилгүйгээр өнгөрүүлсэн бөгөөд түүнд харин ганц хайртай нохой нь л түүнийг хаа явсан газар дагаж явдаг байв. Бүсгүй өөрийн ажлыг тун сайн эзэмшсэн тул АНУ-ын баруун эргийн хотуудад мөрийтэй тоглоомын газруудад ээлж дараалан ажиллаж амьдардаг байжээ. Мөн чамлахааргүй мөнгө олчихдог нэгэн байв.
Эцэст нь бүсгүй Nevada мужид суурьшин амьдрахаар шийдсэн бөгөөд бусад бүхий л газруудад түүнийг ялгаварлан гадуурхаж, гудамжаар ч тайван алхаж чаддаггүй байсан бол тус мужид хүн бүр түүнтэй найрсаг харьцдаг байсан байна. Улмаар бүсгүй тус мужид байр сууриа олохын тулд өөрийн гэсэн мөрийтэй тоглоомын газар байгуулсан байдаг. Тухайн үед иймэрхүү төрлийн бизнесийг эмэгтэй хүн эрхэлдэггүй байсан боловч түүнийг хэн ч эмэгтэй гэж хардаггүй байсан тул энэ тал дээр хүндрэл тулгараагүй биз.
Eleanor Dumont хөрөнгө их олж эд баялаг нь өсөх хэрээр түүнийг үзэсгэлэнтэй гэх эрчүүдийн тоо эрс нэмэгдсэн бөгөөд бүсгүй угаас эрчүүдийн хуурамч сэтгэл, бүгд угаас эд хөрөнгөнд нь шунаж байгааг нь мэддэг байсан тул хэнтэй ч гэр бүл зохиолгүйгээр залуу эрчүүдтэй цагийг өнгөрүүлэн амьдрах болжээ. Тэрээр үлдсэн амьдралаа дутагдах гачигдах зовлонгүйгээр өнгөрүүлсэн байдаг. Nevade мужийнхан түүнийг “сахалт хатагтай” хэмээх нэрээр нь сайтар мэддэг аж.
