Зүрх мартахгүй аян санаачлан Монгол орныг тойрон аялж, хүүхдүүдийн зүрх оношилж хотод авчран хагалгаа хийж яваа хүн бол Б.Болдсайхан эмч. Хүмүүс түүнийг зүрхний эмч Бундан агсны хүү гэдгээр нь түүнийг андахгүй. Аавынхаа мэргэжлийг өвлөн авч хамтдаа хүн эмчлээд явж байсан Б.Болдсайхан эмч саяхан сэхээнд хэвтжээ.
Тэрээр цахим хуудастаа Өөглөө Өлгийн Нурали хүүгийн зүрх 27 мин зогсоож ховдолын цоорхой нөхөх хагалгаа хийв сайн болсон араас н залгаад өөрөө зүрхний зүүн титэм судсандаа стент тавиулах мэс засалд орлоо сэхээнд хүүхдүүдтэй зэрэгцээд хэвтэж байх Зоригоо Намхай 2 эмчдээ баярлалаа гэж бичсэн байна.
Үүнийг бичсэнийхээ оройхон цагаан халаадаа нөмрөөд, хүүхдүүдээ эргэн дараагийн хагалгаандаа зэхжээ. Үнэхээр хүүхэд бүрийн цохилох зүрхний төлөө сэтгэл зүрхээ зориулан яваа түүний гавьяа харамгүй их. Алтан гартай аавынхаа мэргэжлийг өвлөн авч орон нутаг бүрээр өөрөө явж зүрхний асуудалтай өвчтэй хүүхэд бүрийг эмчилж яваа нь хичнээн сайхан. Дашрамд Б.Болдсайхан эмч өнөөдөр Зүрх мартахгүй төслийн 82 дахь хагалгаагаа хийжээ.
