2005 онд АНУ-д нэгэн өвөрмөц банк дээрмийн хэрэг болсон бөгөөд харамсалтай нь уг явдал хүний амь эрсдэж төгссөн байна. Уг дээрмийг Peggy Jo Tallas гэх 60 настай эмэгтэй зэрлэг барууны cowboy хувцас өмсөж малгай, хар шил зүүн өөрийн зүсийг яг л эрэгтэй хүн мэт хувиргасан байжээ. Түүнийг буугаа банкны теллерийн эсрэг тулгасан байдалтай байхад нь цагдаагийн албан хаагчид ардуур нь нуугдаж очин нуруун тус газарт нь буудаж амийг нь хөнөөсөн байна. Дээрэмчнийг унасны дараа хартал зүсээ хувиргасан хөгшин эмэгтэй хүн ббайж таарч, түүнчлэн гар буу нь тоглоомон буу байсан байж таарчээ. Түүнийг буудсан цагдаа тухайн үед өөртөө их харамссан боловч уг цагдаад ямар ч буруу байхгүйг хүн бүхэн мэдэж байсан юм.
Амиа алдсан дээрэмчин эмэгтэйг судалж үзтэл өмнө нь 4 удаагийн банкны дээрэм үйлдэж байсан бөгөөд 1992 онд мөн эрэгтэй хувцас өмсөж зүсээ хувилган дараалсан дээрэм хийж байгаад нэг банканд 13,000 доллар үлдээн түүнийг авахаар явж байхдаа цагдаад баригдаж шоронд орж байсан нэгэн аж. Ерөөс түүнийг “Cowboy BoB” гэж дууддаг бөгөөд зэрлэг барууны гэмт хэргийн ертөнцөд өөрийн гэсэн тод, том ул мөртэй нэгэн байжээ. Цагдаа нар түүнтэй хамтран ажилладаг дээрэмчид байж болох юм хэмээн гар утсыг нь шалгаж хайгуул хийсэн боловч ямар ч хамтрагчгүй бие даасан дээрэмчин байжээ.
Гэвч хэсэг хугацааны дараа түүний яагаад дээрэм хийх болсон шалтгаан нь тодорхой болсон бөгөөд түүний төрсөн охин нь үл мэдэгдэх залуугаас жирэмсэн болж хүүхдээ гаргаад ээждээ өгөн ор сураггүй алга болсон байна. Өөрийн гэсэн ямар ч орлогогүй, шоронд орж байсан тул тэтгэвэр тэтгэмжгүй Peggy Tallas өөрийн ач охиныг тэжээхийн тулд өөрийн ганц чаддаг аргаараа мөнгө олох гэж байгаад бүтэлгүйтэж амиа алдсан нь энэ байлаа. Цагдаа нар түүний охиныг орон даяар хайсан боловч олоогүй тул ач охиныг нь улсын асрамжид шилжүүлсэн аж. Харин эмэгтэйг буудсан цагдаагийн албан хаагч Martin уг явдалд ихэд харамсаж байгаагаа илэрхийлсэн байна.
