Мандухай сэцэн хатан”гэхээр Төрийн соёрхолт, Ардын жүжигчин Намсрайн Сувд гуай л нүдэнд харагддаг. Тэрбээр тайз дэлгэцийн олон бүтээлд дүрээ мөнхөлж, олны хайр хүндэтгэлийг хүлээсэн дэлгэцийн сайхан эмэгтэйчүүдийн нэг билээ. Монгол улсын Төрийн соёрхолт жүжигчин Н.Сувдыг ээжээсээ дутахааргүй сайхан эмэгтэй гэдэгтээ хэн ч маргахгүй бизээ.
Тиймдээ ч авъяастай, онцгой сайхан хүний амьдрал болоод хийсэн хэлсэн болгон нь хүмүүст сонин содон байдаг нь нууц биш. Н.Сувдын тухай тэр болгон элдэв яриа хэвлэлийн хуудаснаа гараад байдаггүй нь багын хүмүүжилтэй нь холбоотой байх.
Тэрээр нэгэн хэвлэлд өгсөн ярилцлагдаа анхны хань, хоёр хүүхдийнхээ эцгийн тухай ийн ярьж байжээ. Тэрээр “Би тэр үед Төрөөг өөр хүнтэй боллоо гэхэд нь асууж байсан юм аа.
Би ер нь аливаа юмыг их удаан бодож байж шийдвэр гаргадаг хүн дээ. Тэр ч утгаараа би юу юуны туханд хүрэлгүй хаяж гараад гүйгээгүй. “За Төрөө минь би явлаа шүү. Чи сайн бодсон биз. Дараа нь хүрээд ир, эргээд нийлье, энэ тэр гэж харамсахгүй биз. Явлаа шүү, Төрөө би…” гэж асууж асууж явсан. Тэгэхэд Төрөө надад “Харамсахгүй ээ” гэж хэлж байсан боловчиг дөрвөн сарын дараа л “Эргээд хүрээд ирээч ээ” гэж гуйсан л даа.
Тэгэхэд нь би “чиний сонгосон зам шүү дээ” гэж хэлээд очоогүй. Ер нь манайхан нэг л шийдсэн бол тэр шийдвэрээ өөрчилдөггүй хүмүүс л дээ. Яахав дээ хөөрхий тухайн үед гэртээ суудаг залуухан эхнэртэй болоод сайхан амьдарна л гэж бодсон байх л даа” хэмээн дурдсан байдаг.
Гэвч түүний анхны хань бие нь муудаж өвчнөөр бурханы оронд одсон. Өвчтэй байх хугацаанд нь Н.Сувд гуай асарч эргэж тойрч, сүүлдээ хамт амьдарсан ч энэ хорвоогийн мөнх бусыг үзсэн.
Жүжигчин бүсгүй бүрийн мөрөөдлийн дүрд тоглож хатан заяатай гэж нэршсэн сайхан бүсгүйн сэтгэл гадаад төрх шигээ сайхан гэдэг нь энэ бүгдээс харагдаж байх шиг.
Эх сурвалж: www.archive.shuurhai.mn/p/71854
