Энэ сарын 16-нд буюу өчигдөр Баянзүрх д.үүргийн дөрөвдүгээр хорооны нутаг дэвсгэрт нэгэн н.оцтой х.эрэгт гарсан.
Тодруулбал, тус дүүргийн иргэн 82 настай эрэгтэй Б нь төрсөн хүүгийнхээ гарт а.миа а.лдсан байна. С.эжигтэн Ч нь с.огтуурсан үедээ аавыгаа з.одож, а.мь насыг нь хо.хироосон болох нь урьдчилсан байдлаар т.огтоогджээ. Х.эргийг харьяа дүүргийн ц.агдаагийн байгууллагад ш.алгаж байна.
АНУ-ын ерөнхийлөгч Жо Байден өчигдөр Америкийн автомашин үйлдвэрлэлийн нийслэл гэгддэг Детройт хот дахь General Motors компанийн үйлдвэрт зочилжээ.
Энэ үеэрээ тэр тус компанийн шинэ бүтээгдэхүүн болох цахилгаан хөдөлгүүрт Hummer SUV загварыг өөрөө жолоодож, туршсан байна. Шатахуун зарцуулалт өндөртэйгөөрөө алдаршсан Hummer брэндийг General Motors бүрэн цахилгаан хөдөлгүүртэй болгон шинэчилж байгаа.
Өнгөрсөн долоо хоногт Байден улс орныхоо дэд бүтцийг шинэчлэх $1 их наядын хөтөлбөрийг баталсан юм. Энэ хөтөлбөрийн хүрээнд АНУ даяар цахилгаан автомашины цэнэглэх станцын сүлжээ байгуулахад $7.5 тэрбумыг төсөвлөжээ.
2020 онд АНУ-ын зах зээлд борлуулагдсан бүх шинэ автомашины ердөө 1.8 хувь нь цахилгаан хөдөлгүүртэй байсан юм. Шинэ хөтөлбөр хэрэгжсэнээр энэ хувь хэмжээ өснө гэж Байдены засаг захиргаа үзэж байгаа.
“Одоогоор энэ салбарт Хятад улс тэргүүлж байгааг та бүхэн мэднэ. Миний баталсан дэд бүтцийн хөтөлбөр үүнийг өөрчлөх болно” гэж Байден сэтгүүлчидтэй уулзахдаа мэдэгджээ.
