Б.Тунгалаг хэмээх энэ эмэгтэйд монголчууд хайртай, одоо ч хайрладаг, дурсдаг, түүгээр бахархдаг.
Сэтгүүлч Г.Алтантүрүүгийн “Танайд хоноё нэвтрүүлгээр орох хүртэл олон нийтэд танил болоогүй, жирийн өрх толгойлсон ээж, энгийн нэгэн эмэгтэй явсан тэрбээр “Ямар ч ядуу хүнд савангийн мөнгө олддог л байхгүй юу хэмээн бор гэртээ цэмцийж суухдаа ярьсан нь хүн бүрийн сэтгэлийг хөглөсөн. Заримд нь нэгийг бодогдуулсан бас ухааруулсан. Одоо ч түүнийг ямар шаргуу, шантрашгүйг харуулсан нэвтрүүлэг нь Youtube хуудасны архивт шарлаагүй хэвээр байна.
Аргагүйн эрхэнд өрх толгойлж, басчхүү өөрийнхөө өвчинтэй тэмцэж явсан ч, хоёр хүүхдээ хүний дайтай өсгөх гэж хичээж, зүтгэж явсан түүнтэй Г.Алтантүрүү санаандгүй тааралдаж амьдралынх нь бодит үнэний талаар нэмэлт хачиргүй, нээлттэй сурвалжилж харуулсан нь үзэгчдийн сэтгэлд хүрсэн.
Гэхдээ Б.Тунгалаг бүсгүй оролцсон нэвтрүүлгээрээ дамжуулж бусдаас тусламж гуйгаагүй, дэмжлэг хүсээгүй юм. Байгаа байдлаа ярьсан, амьдралын өмнө яагаад бөхийхгүй тэмцэж буйгаа хэлсэн, ирээдүйн зорилгынхоо тухай хуучилсан.
Өнөөдөр тэр байхгүй ч үзэгчдэд тэр дундаа нийгэмд ганцхан #Үнэнийг үлдээсэн нь “Ямар ч үед хүн хүнээрээ байх, үр хүүхдийнхээ төлөө хэрхэн, яаж зүтгэх, амьдрал хатуу үедээ хэнийг ч тойрдоггүй дайрдгийг, түүнтэй тэмцэж, бүр ялж болдог-ийг өөрийнхөө амьдралаар, хоёр хүүхдийнхээ ой тоонд шигтгэсэн мөрөөдөл, зорилгоор нь ойлгуулсан. Үүнийгээ “Ямар ч ядуу хүнд савангийн мөнгө олддог л байхгүй юу гэж битүүхэн илэрхийлсэн.
Одоо ч хоёр хүү нь том залуучууд болсон байх аа
