Өнгөрөгч оны арваннэгдүгээр сарын 3-нд иргэн “Э” ц.агдаагийн байгууллагад “Говь-Алтай аймаг Дэлгэр сум Хонгор толгойн урд Мухарын худаг гэх газраас 24 тооны адуугаа есдүгээр сарын эхээр алдсан” гэх гомдлыг бичгээр гаргажээ.
Тухайн гомдлын дагуу аймгийн ц.агдаагийн газраас материалжуулан х.эрэг бүртгэлтийн х.эрэг нээн шалгасан байна. Х.эрэг мөрдөн шалгалтын явцад тухайн иргэн дахиад 19 тооны адуугаа алдсан бөгөөд ц.агдаад мэдэгдээгүй аж.
Улмаар арванхоёрдугаар сарын 13-ны өдөр “Баянхонгор аймгийн Буу цагаан сумд манай адуутай ижил адуу байна гэнэ. Шалгуулах гэсэн юм” хэмээн ц.агдаагийн байгууллагад утсаар ханджээ.
Бууцагаан сумын хэсгийн төлөөлөгч, ц.агдаа нарт мэдэгдэж адуу зарах гэж байсан “Н” гэгчийг саатуулан аймгийн ц.агдаагийн газраас ажлын хэсэг гарган ажиллажээ. Шалгалтын явцад Баянхонгор аймгийн Бууцагаан сумын харъяат “Н” гэгч нь 14 тооны адуу Бууцагаан сумын ченжид зарах гэж байсан байна. Мөн дутсан таван адууны хоёрыг махалж зарсныг тогтоон, хэргийн газраас арьс, толгой, шийрийг эд мөрийн баримтаар хураан авчээ.
Уг этгээдтэй хамтран гэмт х.эрэг үйлдсэн “Ө” гэгчийг арванхоёрдугаар сарын 15-ны өдөр Баянхонгор аймгийн төвөөс саатуулсан байна. Олон нийтийн сүлжээнд тавьснаар хохирогчийн яриад буй сумаас хоёр хүн гаргаж өгсөн гэх үйлдэл тогтоогдоогүй. Прокурорт х.орих талаар санал хүргүүлэхэд хэргээ өөрсдөө хүлээсэн, дуудсан цагт хүрэлцэн ирж байх тул х.орих шаардлагагүй гэж үзжээ.
Сэжигтэй этгээд нар шалгалтын явцад мөрдөгчийн дуудсан цагт өдөр бүр ирж шалгуулан, оргон зайлсан асуудал гаргаагүйд саатуулаагүй хэмээн х.охирогчид тайлбарлажээ
