УИХ-ын дарга Г.Занданшатар Хөгжлийн банкыг шалгах ажлын хэсгийн гишүүд, олон нийтийн төлөөллийг хүлээн авч уулзав.
“Өөрөөр нь төлүүлэе хэлэлцүүлэгт оролцогчдын зүгээс:
Шүүхийн журмаар явбал эцэс, төгсгөл байхгүй, ард иргэдийг хохиролгүй болгож чадахгүй тул Онцгой комисс байгуулах Хохирлыг иргэд үүрэх биш өөрсдөөр нь төлүүлэх нэг удаагийн хууль гаргах
Хяналт, шалгалтын түр хороо байгуулах саналуудыг ирүүлсэн тухай Хөгжлийн банкыг шалгах ажлын хэсгийн гишүүн Б.Бат-Эрдэнэ мэдээлэв.
УИХ-ын дарга Г.Занданшатар “Хууль хяналтын байгууллагууд дээр АТГ дээр 10, Эрүүгийн Цагдаагийн газар дээр 3, дүүргийн цагдаагийн газар дээр 2, шүүх дээр 2, шүүхийн шийдвэр гүйцэтгэл дээр 8, хяналтын шатанд 6 хэрэг шалгагдаж байна.
Өнөөдрийн байдлаар 50 гаруй тэрбумын өр төлөгдөж, ирэх сараас нэгдүгээр улиралд 200 тэрбумын өр төлөгдөхөөр ААН-үүд амлалтаа өгч байна. Ажлын хэсэгт итгэж болно. Хөгжлийн банкны асуудалд шалгалт хийгээд энэ сарын 21-нд эцсийн дүгнэлтээ гаргана. Сонсгол хийхийн тулд 14 хоногийн өмнө мэдэгдсэн байх ёстой. Нээлттэй сонсголыг гуравдугаар сарын эхний долоо хоногт зохион байгуулахаар төлөвлөж байна.
Өр барагдуулах нэг удаагийн хууль батлахаар ярилцаж байна. Зээлийг зориулалтын бусаар ашигласан, улс төрийн хамааралтай байсан хүмүүст хатуу хариуцлага тооцох чиглэлийг Ажлын хэсэг баримталж байна” гэлээ.
