Өнөөдөр засгийн газрын хуралдаанаар Монгол Улсын 2022 оны Төсвийн тухай хуульд өөрчлөлт оруулах тухай, болон бусад дагалдах хуулийн төслүүдийг УИХ-д өргөн барьсан. Энэ хүрээнд, Нийгмийн даатгалын шимтгэлээ өөрөө хариуцан төлсөн зарим даатгуулагчийн шимтгэлийн 50 хувийг буцаан олгох тухай хуулийн төсөл батлагдах юм. Уг хуулийн төсөлд, Шимтгэл төлөлтийн 50 хувийг буцаан олгоход ямар нэгэн байдлаар байгууллагаар нь хязгаарлах бус харин цалингийн хэмжээгээр нь хязгаарлахаар тусгасан.
Өөрөөр хэлбэл, 1 сая төгрөг ба түүнээс доош цалин орлогоор НДШ төлж байгаа иргэдийн НДШ төлөлтийн 50 хувийг дараа сард нь буцаан олгохоор хуулийн төсөл өргөн барисан талаар Хөдөлмөр, нийгмийн хамгааллын сайд А.Ариунзаяа хэлэв. Нэг сая төгрөгөөс доош цалин орлоготой иргэд эхлээд НДШ-ээ цаг тухайд нь төлнө. Төлсөн хэмжээнээс нь хамаарч дараа сард нь 50 хувийн буцаан олголт хийгдэх байдлаар явах аж.
Харин нэг сая төгрөгөөс дээш цалинтай хүмүүс хамрагдахгүй. Хууль хэрэгжсэнээр, Албан журмын нийгмийн даатгал төлөгч 715 мянган хүн, сайн дурын даатгуулагч 147 мянган хүн хамрагдах аж. Улсын төсвөөс нийт 172 тэрбум төгрөг буюу 2022 оны төсөвт 150 тэрбум төгрөг, 2023 оны төсөвт 21 тэрбум төгрөгийг суулгаж байгаа юм.
Төсвийн тодотголын хүрээнд иргэдийн Нийгмийн даатгалын шимтгэлийн 50 хувийг буцаан олгохоор болсон.
Энэ талаар Хөдөлмөр, нийгмийн хамгааллын сайд А.Ариунзаяа “Нэг сая ба түүнээс доош төгрөгийн цалин, орлогоор нийгмийн даатгалын шимтгэл төлж байгаа иргэдийн нийгмийн даатгалын шимтгэлийн 50 хувийг буцаан олголгоно.
Ингэхдээ иргэд нийгмийн даатгалын шимтгэлээ төлөөд, дараа сараас нь буцаан олголтыг хийхээр хуулийн төслийг өргөн барилаа.
Хууль хэрэгжсэнээр албан журмын нийгмийн даатгал төлөгч 713 мянган хүн хамрагдахаар байна. Сайн дурын 147 мянган хүн хамрагдахаар байна” гэлээ
