Уул уурхай, хүнд үйлдвэрийн яамнаас шатахууны үнэ болон бусад асуудлаар мэдээлэл хийж байна.
Уул уурхай, хүнд үйлдвэрийн дэд сайд О.Батнайрамдал:
ААН-үүд 45 хоногийн нөөцөө хэвийн бүрдүүлээд ажиллаж байна. Үнэ тогтворжуулах хуулийн хүрээнд шатахууныг онцолсон. Сүүлийн жилд зөвхөн АИ-92 шатахууны хувьд гэхэд үнэ 60-71 хувиар өссөн.
Энэ оны эхний дөрвөн сарын байдлаар АИ-92 шатахууны үнэ 44 хувиар өссөн. Яг өнөөдрийн байдлаар буюу 2022 оны дөрөвдүгээр сард нэг тонныг 1110 ам.доллароор авч байна. Энэ үнийг литрт шилжүүлж тооцвол 3330 төгрөгөөр зах зээл зарагдах өртөгтэй орж ирж байна гэсэн үг.
УУХҮЯ-наас АИ-92 шатахууны нэг тонныг нь ирэх 5-6 дугаар саруудад 840 ам.доллараар буюу 25 хувийн хямдралтайгаар авахаар Роснефьттэй гэрээ хийж, баталгаажуулсан. Мөн гаалийн албан татварыг АИ-92 шатахуун дээр тэглэсэн байгаа.
Ирэх саруудад АИ-92 шатахуун 2390 төгрөг хэвээр зарагдах боломж бүрдсэн.
Монгол Улсад зарагдаж буй шатахууны үнийг долларт шилжүүлбэл 1.02 ам.доллар байгаа нь дэлхийн дунджаас 45 хувиар бага байна. Манай орноос хямдхан зарагддаг гэвэл Казакстан, Колумб, Ирак, Саудын Араб зэрэг газрын тос маш их хэмжээгээр үйлдвэрлэгч орнууд байдаг.
Хонгконгд шатахуун бараг 3 ам.доллараар зарагддаг. Дэлхийн жишигтэй харьцуулахад манайх хамгийн хямдхан зарагддаг орнууддаа орно.
Чанарын хувьд манайх ихэнхидээ Евро-2 стандартын шатахууныг оруулж ирдэг. Дэлхийн ихэнхи орнууд Евро-5 стандарт руу шилжинэ. Монголд газрын тосны үйлдвэр ашигладаг болсноор нийт хэрэглээний 60 хувь нь Евро-5 стандартын шатахуунаар хангадаг болно.
