1941-08-сард 91-р танкийн хорооны тогооч Иван Павлович Середа , Двинскийн ойд (одоогийн Даугавпилс, Латви) хоол хийж байтал , өөрсдийнх нь танкны моторын дуунаас өөр чимээ сонсдов.
Тэрээр халуун тогоогоо орхиод модны завсраар хартал г.ерманы т.анк өөрийг нь чиглэн ирж явлаа. Эндээс штаб хүртэл ойрхон гэж бодсоноо өөрийн мэдэлгүй түлээний сүх , винтов хоёроо шүүрэн авлаа. Гал тогооруу чиглэн явж байсан т.анкан дээр тэр үсрэн гараад , ёрдойн цухуйж байсан пулемётний гол төмрийг , сүхээ далайж байгаад хамаг чадлаараа цохилоо.
Пулемётний гол төмрийг тахийлгачихаад Середа хэсэг брезентний тасархай аваад танкан дээр дахин гараад , шагайвчуудыг нь таглаад юм харж чадахгүй болгов.
Тэгэнгүүтээ сүхээ далайн танкны хуягийг хүчтэйгээр балбаж гарав. Их буучид г.аллаад , танк эсэргүүцэх гранат аваад ир гэх зэргээр зогсоо зайгүй хашгирч сэтгэл зүйн дайралт хийв . Танкан дотор байгаа хүмүүст сүхний балбалт нь их бууны с.ум тусч байгаа юм шиг санагдсан байж болох юм. Юутай ч гэсэн танкны люк онгойж 2 гар цухуйлаа.
Тэр их чимээг сонссон ц.эргүүд гүйлдэн ирэхэд Середа аль хэдийн 4 танкчинд винтов буугаа тулган баривчилсан байлаа. Г.ерманчуудыг штабруу явуулах тэр үед хоол ч болж нөхөд нь хоолоо идэнгээ амттайг нь гайхан , тогоочийнхоо авхаалж самбааг магтацгаав.
Үүний дараа Середа нөхөдтэйгээ тагнуулд явав. Г.ерманчууд тагнуулчидыг илрүүлээд баривчлахын тулд танк явуулсанд Середа 3 гранат холбож боогоод мөлхөж очин танкыг устгаад а.лагдсан пулемётчиний бууг аван 10 гаран мотоциклчидийг устгалаа.
1941-08-31-нд ЗСБНХУ-ын Дээд Зөвлөлийн Тэргүүлэгчидийн зарлигаар Иван Павлович Середаг ЗХУ-ын баатар цолоор шагнав. Д.айн дуусахад ахлах дэслэгч цолтой Иван Середа халагдаж Днепропетровск мужад хамтралын нарийн бичгийн дарга хийж байгаад 1950 онд н.ас баржээ. Эрэлхэг тогоочийн түүх энэ.
