Баянзүрх дүүргийн нутаг дэвсгэрт насанд х.үрээгүй охиныг зүс таних лам х.үчирхийлсэн х.эрэг ц.агдаагийн байгууллагад бүртгэгджээ.
Тодруулбал тус дүүргийн…дүгээр байрны…тоотоос 15 настай охиныг нь зүс таньдаг лам засал хийнэ гэж гэрээс нь авч яваад б.элгийн х.үчирхийлэл үйлдсэн байна гэх мэдээлэл ц.агдаагийн байгууллагад иржээ.
Энэ дагуу шалгахад Сансарын тоотод суух Ц.Ө гэж 45 настай лам охиныг сэржим өргүүлэх х.эрэгтэй байна гэж дуудан тус хорооны аравдугаар байрны хажууд машинд х.үчирхийлсэн байжээ.
Тухайн охин өмнө нь мөн тэр ламаар засал хийлгэж байсан гэх мэдээлэл байгаа юм. Х.эргийг ц.агдаагийн байгууллагаас ш.алгаж байгаа аж.
Эx сурвалж: www.dorgio.mn/p/137972
Японд албан ёсны айлчлал хийж буй АНУ-ын ерөнхийлөгч Жо Байден өнөөдөр тус улсын ерөнхий сайд Фүмио Кишидатай хамтарсан хэвлэлийн хуралд оролцохдоо Тайваний асуудлаар ноцтой мэдэгдэл хийжээ.
Тэрбээр эхлээд Хятад-Тайваний нөхцөл байдлыг Украинд хийж буй Оросын эзлэн түрэмгийлэлтэй харьцуулж, ийм үйлдэл гаргавал дэлхий нийт ямар хариу арга хэмжээ авахыг өнөөдрийн үйл явдлууд харуулж байна гэж хэлсэн юм.
“Хятад улсыг ийм оролдлого хийхгүй гэдэгт би найдаж байна” гэж Байден энэ үеэр хэлжээ.
Дараа нь нэг сэтгүүлч хэрвээ Хятад улс Тайваньд халдвал цэрэг, зэвсгийн тусламж үзүүлэх эсэхийг шууд тулган асуухад Байден “Тиймээ. Энэ бол бидний амлалт юм” гэж хариулсан байна.
Тэрбээр цааш нь ярихдаа “Хүчээр эзлэн авч болно гэсэн санаа байх ёсгүй. Ингэвэл бүс нутгийг бүхэлд нь тогтворгүйжүүлж, өнөөдөр Украинд болж байгаатай адил үйл явдал өрнөх болно” гэж мэдэгджээ.
Гэхдээ тэр сүүлд нь Тайваний талаарх АНУ-ын уламжлалт бодлого өөрчлөгдөөгүй, хэвээр байгааг илэрхийлсэн байна. Цагаан ордон дараа нь бас үүнийг дахин батлан илэрхийлсэн юм.
АНУ нь өнөөдрийг хүртэл Тайвань аралтай дипломат харилцаа тогтоогоогүй хэдий ч “Taiwan Relations Act” хуулийн хүрээнд өөрийгөө батлан хамгаалахад нь туслах үүрэг хүлээдэг.
Нөгөө талаар АНУ нь “нэг Хятад” бодлогыг хүлээн зөвшөөрч, БНХАУ-тай дипломат харилцаа тогтоосон байдаг юм.
Олон жил дагаж ирсэн энэ бодлогоо АНУ-ын засаг захиргаа “стратегийн хоёрдмол байр суурь” (strategic ambiguity) гэж нэрлэдэг.
Байдены өнөөдөр хийсэн мэдэгдэлтэй холбогдуулан Хятадын гадаад хэргийн яамны хэвлэлийн төлөөлөгч Ван Вэнбин “Тайвань бол Хятадын нутаг дэвсгэрийн салшгүй хэсэг” гэж мэдэгдээд энэ асуудлаар тохиролцох, буулт хийх санаа байх боломжгүйг хэлжээ.
“Тайваний сэдэв болон Украины асуудал бол үндсээрээ өөр юм. Эдгээрийг харьцуулах нь утгагүй хэрэг. Нэг Хятад зарчмыг баримтлахыг АНУ-д бид дахин уриалж байна” гэж тэр мэдэгдсэн юм.
1940-өөд оны иргэний дайны үеэр Тайвань арал эх газрын Хятадаас салан тусгаарлаж байв. Одоо тус арал өөрийн үндсэн хууль, ардчилсан сонгуулийн системтэй. Мөн 300,000 цэрэг бүхий армитай юм.
Өнөөдөр дэлхийн 14 улс Тайвань арлын тусгаар тогтнолыг хүлээн зөвшөөрч, дипломат харилцаа тогтоосон байдаг.
