Carl Tanzler бол 19-20-р зууны хооронд амьдарч байсан мэс заслын эмч юм. Тэрээр тун чадварлаг, гайхалтай эмч байж том гавьяа байгуулан түүхэнд нэрээ үлдээсэн гэвэл үгүй. Харин түүний гаж ч гэмээр эсвэл чин сэтгэлийн ч гэмээр нэгэн аймшигтай үйл явдал өнөөдөр түүний нэрийг өнөөдөр ч дэлхий даяар дуурсгасаар байна.
Мэс заслын эмч залуу 1877 онд Германы эзэнд гүрэнд төрсөн нэгэн бөгөөд 1930 оны үед өөрөөсөө насны нилээд зөрүүтэй дөнгөж 20 настай Maria Elena гэх бүсгүйд ухаангүй дурласан байдаг. Бүсгүй ч мөн түүнд сайн хандаж тэд хамтдаа цагийг өнгөрүүлдэг болжээ.
Гэвч нэгэн өдөр бүсгүй уушгины сүрьеэ өвчнөөр өвдөж эцэж туран бүхий л найдвараа алдаад байв. Carl Tanzler эмч чадах бүхний хийж түүнийг аврах гэсэн боловч тухайн үеийн шинжлэх ухааны ололт амжилтууд сүрьеэ өвчнийг эмчлэх хэмжээнд хүрээгүй байсан тул аварч чадсангүй.
Бүсгүй 1931 оны 10-р сард эцэг эхийнхээ гэрт эцэг эх болон Carl Tanzler эмч нарийн дэргэд амьсгал хураалаа. Үлдсэн бүхий л амьдралаа ганцхан түүнтэй өнгөрүүлнэ гэж бат итгэж явсан эмчийг энэ явдал бараг л солиоруулах дөхсөн байдаг.
Гэвч тэрээр зүгээр суугаад байхыг хүссэнгүй тул ямар нэгэн ад чөтгөрийн санаа бодож олох нь тэр.
1933 оны 4-р сарын нэгэн шөнө тэрээр оршуулгын газарт очиж хайртай бүсгүйнхээ цогцсыг ухаж бүхий яснуудыг нь гаргаж цуглуулаад нүхийг нь буцааж битүүлсэн байдаг.
Түүний уг үйлдлийг тухайн цагт хэн ч мэдсэнгүй. Үүгээр барахгүй тэрээр хүний анатомын бүтцийн дагуу бүсгүйн бүх ясыг өрж эвлүүлэн хүний биеийг бүтээж бэхлээд гадуур нь лааны тосоор бүрж царайг нь пластикаар урлан яг л 20 настай Maria Elena-г шинээр хийсэн байна.
Тэрээр тун төстэй болсон тул эмч ихэд баярлан орой бүр унтахдаа түүнийг орондоо хамт авч орон хамтдаа унтацгаадаг байлаа. Мэс засалч эр 1952 оны 7-р сарын 3-ны өдөр нас барсан бөгөөд АНУ-ын Florida мужид байрлах түүний гэрээс хөгшин эрийг хүүхэлдэйдээ тэврүүлэн амьсгал хураасан байдалтай байхад нь олжээ.
