1998 онд АНУ-ын Connecticut мужийн Hartford хотод байрлах нийтийн орон сууцанд аймшигт гал түймэр гарчээ. Цагдаагийнхан болон онцгой байдлынхан бүгд маш түргэн очиж уг галыг унтрааж доторх хүмүүсийг бүгдийг нь аварсан байдаг. Гал гарах болсон шалтгаан нь хий алдан дэлбэрэлт үүссэн гэх дүгнэлтэд хүрсэн байна. Түүнчлэн тухайн үед зэргэлдээх байшингуудын шил нь хагарч хүмүүс зүсэгдсэн гэмтсэн гэхээр хэр хүчтэй дэлбэрэлт болсон нь ойлгомжтой байв. Гэтэл залуухан хоёр хос өөрсдийн хүүхдээ дотор үлдээсэн байна хэмээн уйлж дотогш орохыг зүтгэж эхлэв. Энэ цаг үед тэднийг харсан цагдаагийн офицер Peter Getz залуу хосуудаас хэдэн давхар, аль цонхыг нь асууж өөрөө хамаг хурдаараа дур мэдэн байшинд нэвтэрчээ.
Хэсэг хугацаа өнгөрсний дараа офицер эр тэдний 5 настай ухаангүй болсон бяцхан охин болох Josibelk Aponte-г гар дээрээ өргөсөөр гарч ирэв. Бага зэрэг угаартаж ухаангүй болсон ч тийм ноцтой биш гэж эмч нар хэллээ. Эцэг эх нь уг цагдаад хязгааргүй их баярлаж зөвхөн нэрийг нь асууж Peter Getz гэх нэрийг нь цээжлээд л үлдсэн байна. Энэ явдлаас хойш олон жил өнгөрсөн боловч уг цагдаатай нэг ч удаа таараагүй аж. Харин уг гал түймрээс амьд гарсан 5 настай бяцхан Josibelk Aponte 2016 онд их сургуулиа төгсөхөөр болжээ. Иймд өөрийнх нь амийг тэртээх 1998 онд аварч байсан Peter Getz гэх цагдааг олохоор шийдэж мужийн цагдаагийн газар очиход тэтгэвэртээ гарсан гэх хариу өгөв.
Охин ч биш учир шалтгаанаа хэлж холбоо барих утасны дугаар зэргийг олж авчээ. Ингээд сургуулийнхаа төгсөлтөөр өөрийн амийг аварсан ачих офицерыг урьж цаг үргэлж талархаж явдгаа илэрхийлж тэрээр хэрэв байгаагүй бол сургуулиа өнөөдөр төгсөхгүй байлаа, иймд уг баярт мөчийг заавал өөртэй нь хамт хуваалцах ёстой хэмээн шийдсэн тухайгаа хэлсэн байна.
