2006 онд Susan Walter гэх эмэгтэйн амь насанд халдах оролдлого гарч байжээ. Нэгэн шөнө түүнийг гэртээ гүн нойрондоо унтаж байхад унтлагийн өрөөнд нь хар багтай алх барьсан эр орж ирэн түүнийг хөнөөхөөр завдсан байна. Тухайн үед бүсгүй санамсаргүй тохиолдлоор нойрноосоо сэргэн хулгайчийг харан шууд л орноосоо үсрэн босчээ. Алуурчин алхаа барин түүнд ойртох үед бүсгүй түүнтэй барилдаж улмаар мэх хэрэглэн унагааж алуурчин унах үедээ алхаа гарнаасаа алдан хол шиджээ.
Бүсгүй алуурчныг унасан үед цагдаа дуудах эсвэл алхыг нь авч түүнтэй тулалдах гэсэн хоёр сонголт төрсөн байна. Цагдаа дуудаад ирэхэд нилээд хугацаа шаардлагатай байсан тул шууд л түүний алхыг авчихав. Алуурчин босож хажуудаа байсан ширээний чийдэнг барин дайрах үед эмэгтэй түүний бэлэг эрхтэн уруу алхаар нь цохиж унагаажээ. Алуурчин эр эр дуу тавин хавчигнан эмч дуудаж өгөхийг гуйхад Susan Walter түүнийг ямар хэргээр яах гэж ирснийг нь хэлэхгүй бол эмч дуудайхгүй хэмээн сүрдүүлсэн аж.
Гарцаагүй байдалд орсон алуурчин үнэнээ хэлсэн байна. Хэргийн учир гэвэл 17 жилийн өмнө салсан хуучин нөхөр нь түүнийг алуулахаар 50 мянган доллараар түүнийг хөлсөлсөн бөгөөд хулгай хийх гэж нэвтрэн санамсаргүй байдлаар алсан мэт хэргийг үйлдээрэй хэмээн захьсан тухай хэлжээ. Цагдаа ч ирж шүүх хурал болж түүний хуучин нөхөр уг үйлдлээсээ болж хөлсний алуурчинтай хамтдаа тус бүр 10 жилийн хорих ялаар шийьгүүлсэн аж.
