Уг эрэгтэйг Gary Richmond гэх бөгөөд 2010 онд тэрээр гудамжинд алхаж байгаад танхай этгээдүүдийн дайралтад өртөн комд орсон байна. Хэдэн хоног ухаангүй байсны эцэст тэрээр сэрлээ. Харамсалтай нь сэрэхдээ бүх ой санамжаа бүрмөсөн алдсан байлаа.Тэрээр эхнэр Karen-тайгаа хамт өнгөрүүлсэн 26 жилийн амьдрал, өөрийн бяцхан охин гээд бүх зүйл ээ санахгүй байв. Энэ бүхэн нь түүний гэр бүл болон хайртай хүмүүст тун хүндээр туссан байдаг.
Гэвч эмч нар түүнийг дор хаяж 3 сарын хугацаанд тайван орчинд байлгаж бүх зүйлсийг эргэн санахад чадлаараа туслах хэрэгтэй хэмээн хэлжээ. Эхнэр нь ч ой санамжийг нь буцааж авчрахын тулд гэр бүлийн альбом, дурсамжит газруудаара зугаалах, хуримын бичлэг гээд бүх аргийг хэрэглэсэн ч тусыг эс олов. Цаг хугацаа өнгөрсөөр нэгэнт 3 жил өнгөрөхөд түүний нөхөр ой санамжаа олж чадсангүй. Огт танихгүй эмэгтэйтэйгээ өөрийн эхнэр гэж итгэн амьдарсаар байх, ядаж байхад уг эмэгтэй нь яаж ч бодсон бүх баримтаар өөрийнх нь эхнэр нотлогдоод байдаг.
Гэвч нэгэн орой Gary Richmond ой санамждаа эхнэрээ санаагүй боловч түүнд шинээр дахин дурласан байна. Тэрээр 3 жилийн турш хамт амьдрахдаа уг бүсгүй өөрт нь хичнээн их сэтгэл гаргаж буцааж ой санамжийг нь оруулахын төлөө бүхий л чадлаараа зүтгэж байгаа зэрэг үйлдлүүд нь түүний сэтгэлийн утсыг хөндсөн гэдэг. Эхнэртээ дахин ухаангүй хайртай болсон тэрээр хуримаа дахиж хийн шинэ дурсамж, шинэ ой санамжаар амьдарч эхэлсэн аж. Тэрээр хэлэхдээ “эхэндээ бүх зүйл надад маш хэцүү байсан, би танихгүй эмэгтэйтэйгээ 3 жил хамт амьдарсан. эцэст нь дурлачихлаа, одоо надад сайхан байна” хэмээжээ.
