20-р зуун бол телевизийн салбар, тэр дундаа телевизийн нэвтрүүлгүүдийн хөгжлийн оргил үе байсан гэж хэлж болно. Зүүн Европ болон социалист улсуудад энэ бүхэн тийм ч их ажиглагдаагүй байж болох ч барууны ертөнц тэр чигтээ хөгжөөнт нэвтрүүлгүүдээр амьсгалж байлаа. Тэгвэл энэ бүх хөгжөөнт нэвтрүүлгүүдтэй холбоотой нэгэн эмгэнэлтэй явдал 1975 оны зун Их Британи улсад болсон байдаг.
Тухайн үед Их Британи даяар Kung Fu Capers гэх BBC сувгийн инээдмийн цуврал кино Европ цацагдаж ихээхэн нэр алдарт хүрээд байв. Тэгвэл тухайн оны 7-р сарын 15-ны өдөр London хотод амьдрал Alex Mitchell гэх залуу ажлаа таран өөрийн дуртай цувралаа үзэхээр гэрлүүгээ тэмүүлэн очив. Тэрээр гэртээ ороод гар нүүрээ ч угаалгүй шууд л буйдан дээрээ сууж цувралаа үзэж эхэлтэл гол дүрийн жүжигчид аварга том цэлцэгнүүр барин бусдыгаа зодохоор хөөдөг хэсэг тухайн өдөр гарчээ. Уг үзэгдэл түүнд тун ч их инээдтэй санагдсан тул тасралтгүй инээсээр байв. Эхнэр нь гэртээ хоолоо хийх зуурд нөхрөө харахад нөхөр нь тасралтгүй инээсээр байсан аж.
Тэрээр ойролцоогоор 25 минут орчим инээсэн бөгөөд эцэст нь ямар ч чимээ гаргалгүй нам гүм болсон тул эхнэр нь гайхаж гал тогооноосоо гаран түүн дээр очтол нөхөр нь хэдийнээ амьсгал хураасан байв. Alex Mitchell инээдмийн нэвтрүүлэг үзэж байгаад нас барсан дэлхий дээрх хамгийн анхны хүн болсон тул түүний үхэл өрнөдийн орнууд даяар тархан нас барсныхаа дараа од болсон байна. Харин түүний үхэл BBC сувгийн инээдмийн цувралыг улам олон хүний хүртээл болгожээ. Учир нь хүнийг элгээр явтал нь инээлгэдэг цуврал тэр бүр тохиолдоод байхгүй шүү дээ.
