Таиландын вант улсыг дэлхий нийт 20-р зууны сүүл хүртэл “Сиам” улс хэмээн нэрлэдэг байлаа. Тус улс нь дэлхийн хоёрдугаар дайны дараа үе хүртэл хэмжээлшгүй эрхт хаант засаглалтай улс байсан юм. Гэвч одоо ч бусад улсуудын хаадыг харьцуулахад Тайландын хаан илүү ир эрх мэдэлтэй байдаг. Жишээлбэл гадны жуулчин эзэн хааны зураг хөргийг доромжлох юм бол шууд л эрүүгийн хариуцлага хүлээдэг гэх мэт. Тэгвэл 19-р зууны сүүл үе гэхэд тус улсын хаад нь хүний тооноос нэгэнт гарч тусдаа төрсөн тусгай хүмүүс мэт амьдардаг байлаа. Бүр дээдсийн удмын хүнд хамгаалагч нь ч бай гар хүрэх эрхгүй байсан гээд бод. Хэрэв гар хүрэх л юм бол цаазаар авахуулдаг хатуу дэг жаяг улс даяар үйлчилж байв.
Тэгвэл энэ хуулийг чухам 1880 оны 5-р сарын 31-ны өдөр болсон эмгэнэлт үйл явдлын улмаас цуцалсан түүхтэй. Тухайн үед Тайландыг Mongkut хаан захирч байсан бөгөөд 19 настай ганц охиноо өөрийн аминаас илүү хайрладаг байв. Харц ард, туслахууд гар хүрэх битгий хэл өөрөө ч гар хүрэхээс харамлан эрхлүүлж өсгөжээ. Гэвч тухайн өдөр гүнж өөрийн үнэнч албат болон туслахуудтай хамт усан завиар Бангкокийн ойролцоо голоор аялж явахад хүчтэй давлагаа үүсэн завь нь хөмөрсөн байна. Гүнжийн амьдралд урьд өмнө нь хэзээ ч сэлэх хэрэг гарч байгаагүй тул яаж ч чадалгүй живж эхэлсэн аж.
Харин түүний туслахууд болон хамгаалагчид бүгд сэлэн эрэг дээр гарсан боловч гүнжид туслах боломж тэдэнд огт байсангүй. Учир нь язгууртан хүнд гар хүрвэл үхлийн ялаар шийтгүүлдэг шүү дээ. Иймд хааны ганц охин Sunanda Kumariratana өөрийн өвөг дээдсийн зохиосон хуулийн золиос болж Бангкокийн гол ясаа тавьсан түүхтэй. Ийм харамсалтай явдал болсны дараа түүний эцэг ихэд харуусан хилэгнэж дээдэст гар хүрвэл цаазаар авдаг хуулийг нэн даруй хүчингүй болгосон байдаг.
