1980 оны 5-р сарын 18-ны өдөр Helens галт уулын дэлбэрэлт болж Нэгдсэн Улсыг чамгүй сандаргав. Далайн түвшнээс дээ 3000 метрт орших тус галт уул нь АНУ-ын өмнөд Вашингтон мужид орших бөгөөд дэлбэрэлт болох үед тортог нь дээш 396 метрийн өндөрт хүртэл цацагдсан байдаг. Уг дэлбэрэлт нь 1915 оноос хойш АНУ-д дэлбэрсэн анхны галт уулын дэлбэрэлт байлаа. Дэлбэрэлтийн шалтгааныг ойролцоо үечлэлтэй тохиолдсон хоёр удаагийн газар хөдлөлтийн улмаас үүссэн хэмээн эрдэмтэд үздэг байна.
Хоёр удаагийн газар хөдлөлт нь эхнийх нь 3-р сарын 27-ны өдөр болж хоёр дахь нь 4-р сарын 6-ны өдөр болсон байдаг. Уг хоёр тохиолдол хоёулаа Helens галт уулыг идэвхжүүлж тухай бүрт бага хэмжээний дэлбэрэлтийг үүсгэсэн түүхтэй. 5-р сарын 18-ны дэлбэрэлтээс үүдэн тус бүс нутагт мөс, цас зэрэг төрөл бүрийн байгалийн өвөрмөц үзэгдэл болж байсан тухай цаг уурын хүрээлэнд тэмдэглэн үлдсэн аж.
Харин тус дэлбэрэлтээс болж нөхцөл байдал дээр ажиллаж байсан Harry R,Truman, гэрэл зурагчин Reid Blackburn болон Robert Landsberg, геологич David A.Johnson зэрэг тэргүүтэй 57 хүн газар дээрээ амиа алдаж олон мянган ан амьтан үхсэн байдаг. Хохирлын хэмжээ нь 2017 оны ханшаар 3 тэрбум доллар хэмээн тогтоосон байна. Түүнчлэн АНУ-ын хойд мужуудыг холбосон төмөр замд гэмтэл учруулсан тул тухайн цаг үед Washington мужийн төмөр замын сүлжээ олон сараар саатсан аж.
