Бодибюлдингийн ертөнцөд амьд домог болсон Арнолд Шварцнеггерийг танихгүй, мэдэхгүй хүн гэж өнөөгийн дэлхий ертөнцөд байхгүй биз. Австри нутагт төрсөн түүний амьдралын түүх тэр чигтээ хатуу ширүүн тэмцэл, хөдөлмөр байсан гэж хэлэхэд хилсдэхгүй. 1968 онд 21 настай Англи хэлээр хальт ярьдаг Арнолд эх нутгаа орхин АНУ-ыг зорьж тэндээ Gold’s Gym-д явж эхэлжээ. Олон жилийн турш маш олон тэмцээнүүдэд орж үргэлж шилдгээр шалгарч байсан түүнд 1981 онд Холливудаас кинонд тоглох санал иржээ. Энэ нь тэр хүний амьдралыг үндсээр нь өөрчилсөн явдал болсон юм.
Арнолд уг саналд дуртай нь аргагүй зөвшөөрч кино зохиолыг нь уншиж үзээд дүр нь ч түүнд таалагдсан байна. Ийнхүү “Conan the barbarian” гэх кинонд тоглох болсон тэрээр эртний цэргийн хуяг дуулгийг өмсөх гэтэл түүнд таарсангүй. Учир нь түүний булчин хэтэрхий том байлаа. Найруулагчтайгаа хамт бүхий л эртний эдлэлийн дэлгүүр, музейгээр явсан ч түүнд таарах цэргийн хуяг дуулга огт олдоогүй аж. Иймээс гагцхүү Арнолд булчингийн массаа алдахаас өөр сонголтгүй болжээ.
Түүний хувьд кинонд тоглох нь амьдралын шинэ хуудас эхлүүлэх боломж байсан тул шүдээ зуугаад хоолоо хасаж, бэлтгэлээ хийхгүй байсаар жингээ хасан уг кинондоо амжилттай тоглосон юм. Кино тухайн ондоо нээлтээ хийсэн даруйдаа АНУ-ын кино театруудаар тэсрэлт хийн Арнолд гэх хүчирхэг шинэ эрэгтэй дүр Холливуудад хүлээн зөвшөөрөгдсөн байдаг. Түүнийг уг нэр хүндийг ч харгалзан үзэж 1983 онд Засгийн Газраас АНУ-ын иргэншил олгосон түүхтэй. Хожим бүр мужийн амбан захирагч болсныг ч хүмүүс мэдэх байх. Тийм ээ түүний амьдрал бол бүхэлдээ тэмцэл гэж тэрээр нэгэнтээ хэлсэн аж.
